So Comment

唔扮嘢的藍象• Blue Elephant 地址 尖沙咀廣東邊 17號海港城港威商場 3樓 3303鋪•電話• 2328 2328(甲-) (蘇施黃)

贊助商連結

你去泰國曼谷食乜?
曼谷都可以話係香港人嘅旅遊熱點,平靚正、嘢又啱食。(最近去馬尼拉 3日瘦咗 4磅,餐餐都冇啖好食)但係大家去曼谷有冇去過 Blue Elephant?問十個九個都話未,因為 Bangkok大把嘢食,街邊食個海南雞飯、飲個苦瓜排骨湯都正!要食 Thai food選擇更加多,十個人可能叫到一枱都係都係港幣百多二百蚊一個人,就可以食到地道嘅泰國菜。誰人會花錢去食啲外國(比利時)開返去嘅泰菜,又唔泰得晒,最煩啲少少 fusion,我哋時常話,鬼佬多嘅泰國餐廳如 Lemongrass一定不要去, Blue Elephant從來都唔係我同我啲泰國朋友嘅 pick,但係有朋友話香港開咗 Blue Elephant,絕對冇泰國咁扮嘢,嘢又好食,叫了我幾次,於是星期日一家人去試。

裝潢


散座

 

食物

 




MA HOR(未 on menu的)廚師請試的,皮好似個水晶包,餡係 palm sugar、椰絲、花生碎、爆香嘅葱和乾葱,上面係冬蔭功 foam,一啖全粒食,少少鹹少少甜好好食!必試,但要等佢 menu有才有得試,佢而家嘅 MA HOR係菠蘿的


蝦餅$78好。個汁都好,有 3件開半的。


(蝦)米紙卷$98必食。佢本來係蟹肉,我改咗做蝦,我總覺得蟹拆肉感覺麻麻,熱食又好些,聽到凍蟹肉就立即改改改!好好食噃, presentation又靚,啲汁少辣,青汁好清好 refreshing,但愈食愈辣呢!


沙嗲豬、牛、雞三拼$98絕對好食過沙嗲軒,首選雞,又 juicy又腍,次選豬,第一次食好正,第二次食過熟,�!牛,就頗韌,但沙嗲醬好味。


柚子沙律$68可以。但我哋叫了另一個魷魚青木瓜沙律$78就有點失靈了。啲紅蘿蔔絲老過我,韌的。


蝦醬炒通菜$75絕冇蝦醬味,可以更好的。


青咖喱雞$168非常好味,必食!加埋 Roti,正!$36/2片好食,於是 encore青咖喱牛


青咖喱牛$288非常難食!牛唔應該咁大粒,可以片,可以條。青咖喱味亦唔同了,為何?奇怪,又貴又唔好食。


考 IQ圖 A和圖 B是否同一碟餸?答案:是,都是豬肉碎沙律$76(A)實在太鹹,換來 B, B味道 just right,炒得有鑊氣,正!這代表出品唔穩定,要賭賭大家運氣。


(B)


鵝肝$118絕對不要叫,因為佢哋唔識起筋,鵝肝內的筋多的是。


黑椒老虎蝦$268唔錯。我唔鐘意食去殼蝦,但呢個 pass。


冬陰功太酸了。


Lemongrass souffle$98相當唔錯, Lemongrass味好 subtle,好好!

總括:食咗兩次,平均三百多元一個人,地方簡潔,服務非常好,食物絕對好過 Bangkok的 Blue Elephant,香港呢間似樣啲,唔係殺遊客嗰款,但仍有進步空間,不過大家放心去試試。

地址•尖沙咀廣東邊 17號海港城港威商場 3樓 3303鋪•電話• 2328 2328



蘇施黃
資深電台人,天生異「口」,除了講嘢叻,食嘢同樣嘴刁,近年開咪、上電視做主持都不離教人食得精,吸引大批粉絲跟佢搵食。

攝影:蘇施黃

    tvb4life 發表在 痞客邦 留言(0) 人氣()