Jannie希望藉着舉辦不同的活動,增加餐廳的知名度。

青雲路 Premium Position

大型餐廳集團助理董事 搞大型活動吸客

贊助商連結

人所共知飲食業工時長,要經營好一間餐館實屬不易, Jannie現時擔任 New Fair International Investment Limited的助理董事,她負責管理在科學園內的 3間餐廳,除了處理日常事務外,還要想盡方法增加客源,構思菜式、推折扣優惠已屬等閒,最近更舉辦大型的節慶活動,以增加餐廳的知名度。

80後的 Jannie身為 New Fair International Investment Limited助理董事,她負責管理科學園內的漁米之鄉、 Tom Bar & Grill及盈海四季這 3間餐廳的業務,「營運、人事安排、會計都係我去睇,有時忙起上嚟,會落場幫手做埋侍應,有時真係要返足 7日工,其實要你做個全能打雜。」
Jannie家中經營餐飲業已有十多年,中一時去了英國讀書,大學修讀會計的她,對餐飲業一點也不陌生,「喺嗰邊都係去餐館做侍應兼職,暑假返嚟都會幫屋企人手做文書處理。 04年大學畢業後,我留咗喺英國發展,做咗 4年銀行,之後同老公開咗間唐式外賣店,一做就 10年。」

回港打理家族生意


舉辦了 Orange Fest,令盈海四季就算不是用膳時間,亦有客人光顧。

直到 13年, Jannie家人希望拓展新版圖,希望她回港幫忙,「屋企人當時話會喺科學園開餐廳,想搵我返嚟管理,對我嚟講,呢次係一個有新發展嘅機會,於是我同老公決定結束英國嘅生意,返嚟香港幫手。我哋首先係開漁米之鄉,兩個月後就開埋 Tom Bar & Grill,而盈海四季就係 15年先開,餐廳嘅裝修、室內擺位等都係我去負責。」
經營位於科學園的餐廳, Jannie表示在宣傳上最花心思,「情況有啲似工業區,平日返工午餐幾多客,但一到晚餐及假日,就會冇咩人。我哋要諗方法去吸引客人,留意到科學園嘅公司不時會搞 event及會議,於是我哋提供場地,設計搞 event及聚餐嘅 plan;另外,仲不時會推出折扣優惠,原來對客人嚟講係一個賣點,做緊優惠時真係特別多客人。」

香港人貪新鮮

Jannie說餐廳菜式要多變化及選擇,才能留住客人,「喺英國經營外賣店時,只要客人覺得你間店 ok,每星期差唔多時間都會見到佢哋,仲會叫同一個餐;但喺香港經營餐飲,客人會要求新意,所以喺開 Tom Bar& Grill時,我哋嘅定位就係多國菜,會有西餐及泰國菜,我要不時同大廚傾 menu。除定期轉款外,仲要加入新菜式,好似近期加咗 burger、 pizza等港人都鍾意食嘅菜式。」 Jannie表示開業以來,餐廳的業績每年也有 20%以上的增長。
累積了一些舉辦活動的經驗, Jannie決定在今年 4月舉辦一個有關荷蘭的大型活動,希望餐廳有新的突破,「因為我同妹妹都喺荷蘭出世,雖然 6歲就返咗香港,但都同嗰邊嘅親戚朋友一直有聯絡,對荷蘭文化有一定認識。 4月 27日喺荷蘭重要嘅國王節,踏入 4月時,世界各地嘅荷蘭人都會開始舉辦唔同嘅慶祝活動,我哋就想趁呢次機會搞個大型 event,增加餐廳知名度及開拓新嘅發展方向,喺 3月時就開始籌備。」




Oliebollen$10荷蘭傳統甜點,以葡萄乾及麵粉製成,炸完後在表面撒上糖粉。採訪當日, Tom Bar& Grill及盈海四季都舉行 Orange Fest,在場的食物攤檔出售多款有關荷蘭美食。


Dutch raw herring$40鯡魚以鹽醃製,然後配以生洋蔥來吃,是荷蘭的平民料理。


安格斯牛肉芝士漢堡$168Jannie不時與大廚構思新菜式,保持客人新鮮感。 舉辦荷蘭節活動


採訪當日, Jannie(右)正為舉辦的 Orange Fest忙進忙出,「第一次搞公眾大型活動,加上今日落大雨,準備嘅雨具唔夠,已經安排人手去買太陽傘畀攤位,同時要安撫檔主,佢哋會怕落雨冇人嚟,希望一陣會停雨啦。」

Orange Fest在 4月中一連兩個星期六日舉行,除了本地客外,亦吸引不少外國客人來, Jannie說:「我哋有搵荷蘭人嚟擺攤位,出售豆湯、 oliebollen、 herring等荷蘭特色食物,場地亦以橙色為主。」
經過 4日的 Orange Fest, Jannie表示過程順利,客人的反應不俗,「見到多咗新客人過嚟,算達到推廣嘅目的。經過今次嘅經驗後,我哋睇番有咩需要改善嘅地方,之後會舉辦更多唔同嘅節慶活動,希望將餐廳做得更好。」



黎小姐 客人
我鍾意荷蘭足球隊,因而對荷蘭嘅文化產生興趣,喺 facebook見到呢度舉辦有關荷蘭國王節嘅活動,就特登過嚟參加,覺得氣氛好好,食物都好好食。

Leandra Lok
Language One Local Director
我哋活動主要係畀香港嘅荷蘭學生參加,第一次喺科學園搞活動,覺得呢度地方夠大,而且旁邊有荷蘭小食攤位,提供嘅食物夠地道,有唔錯嘅享受。




Jannie說:「我哋聯絡咗本地一個荷蘭教育機構,佢哋多年都有舉辦慶祝活動,今次邀請佢哋到我哋嘅場地舉行活動,會有唔少荷蘭人及小朋友參加,增加現場氣氛。」


Orange Fest吸引不少外國人到來,場面十分熱鬧。 點入行?

身為助理董事的 Jannie年薪約 100萬。她表示餐廳前線時常需要人手,「有咗最低工資後,坊間多咗工種畀人選擇,侍應係難咗請人。我哋對員工都有要求,始終係服務行業,面對客人要有笑容,嚟幫襯嘅客人都有外國人,所以要有基本嘅英語溝通能力,我哋家多會請兼職侍應,初入職時薪係$50至$55。」
有興趣應徵者,可將履歷寄去 mailto:info@tombargrill.com。

撰文:曾志恒
攝影:林文樂

 

    tvb4life 發表在 痞客邦 留言(0) 人氣()