裕美食開有感情

贊助商連結

裕美同黃子恆發展婚外情單嘢,告一段落咗好一段時間,經過一輪沉澱,佢哋各有各嘅生活,各有各嘅忙碌;而裕美亦重拾番心情,見佢出嚟公開場合,個人都開心番晒。

感情可以話斬纜就斬纜,都算係好撇脫嘅裕美,至於飲食方面,佢似乎專一同長情啲。好似早排東姑撞到佢,估計係啱啱做完嘢,坐住保母車由司機車咗去筲箕灣,原來係專程去呢頭搵嘢食醫肚。見佢同埋司機兼助手,之後一往直前入咗「華星冰室」幫襯。喺度等東姑介紹番,呢間茶餐廳,其實係做咗佢多年經理人嘅文迪,同一啲旗下artist夾份開嘅。呢度開咁耐,裕美就幫襯咁耐,正所謂食開有感情,所以對呢間茶餐廳始終如一啦!

同黃子恆單嘢過咗好耐,裕美嘅心情睇落好番晒,做完嘢搵助手車佢去開餐。

 

裕美兜路都要兜去筲箕灣嘅「華星」幫襯,好大可能因為間嘢係經理人開,一直食開有感情。

 

裕美同黃子恆感情告一段落,大家各有各嘅生活,各有各嘅忙碌。

tvb4life 發表在 痞客邦 留言(0) 人氣()