課程着重鍛煉舞蹈基礎,導師亦會編排舞蹈教授學生。

上 COURSE

學跳舞到韓國交流

 

贊助商連結

近年韓風吹不停,不少粉絲迷上 K-POP偶像組合,甚至夢想成為韓星。韓國娛樂圈中亦有港產的明星出道,如男團 GOT7的 Jackson及女團 CLC的 Elkie等,抑或是能夠成為大型娛樂經紀公司的練習生,例如早前少女時代和 Super Junior所屬的 SM娛樂,公開的練習生 Lucas也來自香港。不過要成為韓星,除了唱功了得外,舞蹈實力也非常重要, neverland DANCE HOUSE舉辦的青年舞蹈訓練計劃,不但可以學習跳舞,學員更有機會到韓國首爾參與舞蹈及文化交流,到當地親身體驗。

青年舞蹈訓練計劃分別由 4位擁有豐富舞蹈底子的老師教授,其中擁有十多年跳舞經驗的 Allen表示,此課程是為一些想學跳舞及對舞蹈零認識的年輕人而設,「青年舞蹈訓練計劃一期有 24堂,分別為 12堂必修堂,另外 12堂係自選堂,我哋會根據學員喺必修堂嘅表現,可能見佢哋喺某種舞蹈上要加強,就會推薦佢哋去上。」

着重基本功

由於課程對象以初學者為主,因此着重教授基本功, Allen說:「好似喺必修堂中,除咗會教 hip hop及 jazz funk等唔同舞蹈種類嘅基本技巧外,我哋都會着重學生嘅基本功,包括拉筋、熱身等。跳舞最重要係有體力,如果唔夠體力,我哋會叫學員跑樓梯訓練耐力。」
練好一身好底子,之後再學習其他舞蹈便會游刃有餘。 Allen表示:「有啲學員太過心急,見到某明星嘅 MV跳得好勁、好靚、好型,以為自己可以好快學到。雖然 MV得短短 4分鐘,但明星其實有 7、 8年嘅跳舞經驗,練習咗好耐,唔係單單表面睇咁簡單。」




neverland擁有兩間大型舞蹈室,平均一間超過 600平方呎。每次上堂,導師 Allen首先會親自示範動作,然後再仔細教導學員。


在韓國交流期間,除了會去欣賞當地的跳舞比賽外,還會觀看韓國的跆拳道比賽,作文化交流。 到韓國交流

青年舞蹈訓練計劃全年有 3期,每一期會選出兩名最佳學員, 3期共 6名學員會進行最後評核,當中成績最佳的兩名學生可獲獎學金到韓國首爾參與舞蹈及文化交流。 Allen說:「獎學金包括來回香港首爾嘅機票、舞蹈班課堂費用及基本食宿,去韓國約一星期,學員會跟當地老師上堂學跳舞,最後會幫佢哋拍一個 MV。另外,亦會有文化交流,帶佢哋去地道嘅地方,又會睇韓國嘅跳舞比賽等。」
完成青年舞蹈訓練計劃後,可以報讀 team training課程,進一步加深跳舞功力,優異學員更可成為 neverland dance crew一份子,並參與不同世界性舞蹈比賽及演出, Allen透露現時大部分的舞蹈員,平均參與一場表演,薪金約$1,000至$2,000不等。



導師  Allen
除咗着重學生嘅技巧同基本功外,我哋亦會着重佢哋嘅態度。另外,每上完一堂後,導師都會對學生評分及寫評語,講番有咩地方可以改進。



學員  Christy
去年我去咗韓國交流,會睇到自己嘅不足,覺得佢哋排嘅舞好靚,就算係女仔跳舞都好有力度、好有線條感,我都要喺呢方面再加強訓練。



學員  Fiona
𠵱家學咗年幾,呢度最好係會教好多跳舞基本知識及技巧,如果基本功打得唔好,就算跳到出嚟都係得個樣,好難再進步。

課程:青年舞蹈訓練計劃
機構: neverland DANCE HOUSE
對象:有興趣想學跳舞及對舞蹈零認識的年輕人
堂數: 24堂( 12堂必修堂及 12堂自選堂)
費用:$2,280
內容:教授 hip hop、 jazz funk和 urban dance等不同舞蹈種類。
查詢: 3741 2740

撰文:林依炫
攝影:林文樂、部分圖片由被訪者提供

    tvb4life 發表在 痞客邦 留言(0) 人氣()