Joanne(右一)向學生介紹不同物料的性質,以便他們適當地運用在設計上。

學海無涯

回收超過 1,500款物料 設計環保時裝服飾

贊助商連結

環保與設計,兩者看似是毫無關係,但現今有很多時裝服飾均會加入環保元素,例如設計師會運用回收物料製造衣服、擺設等,環保又時尚。早前香港知專設計學院( HKDI)成立了知專設創源( CIMT),回收了舊地氈、舊牛仔布,甚至是廚餘等超過 1,500款的物料,以供時裝設計高級文憑等學生使用,讓他們在課程中學習設計理論之餘,還可以激發無限創意,增加靈感,同時又能提倡環保,一舉兩得!




Joanne指 CIMT的儲藏多是從製衣廠,或者是社福機構中回收的物料。

兩年制的 HKDI時裝設計高級文憑由多位有豐富教學經驗的導師教授,其中時裝及形象設計學系高級講師 Joanne表示,此課程專為對時裝感興趣的同學而設,「課程分為 3個範疇,包括時裝設計、配飾設計及針織設計, Yr. 1嘅學生要學習有關設計嘅基本概念,例如平面嘅紙樣、布料嘅認識及潮流趨勢。」
升讀 yr. 2時,學生要從時裝設計、配飾設計及針織設計這 3個範疇中選一,選擇自己喜歡的分科,再深入研究,時裝設計是要學習女裝設計,配飾設計則是有關鞋、袋及帽等,而針織設計是要學習用機器編織衣服, Joanne說:「如果選修時裝設計,學生唔單止學平面紙樣,仲要學埋 3D剪裁。」

回收物料激發靈感

Yr. 2的學生因要開始着手畢業作品,故從尋找靈感、開始創作,到要買布料、剪裁及完成作品,學生均要一手包辦。 Joanne說:「 HKDI最近成立咗 CIMT,回收超過 1,500款的物料,包括舊地氈、舊牛仔布、咖啡渣及過期牛奶等,當中有一啲特別物料,好似牛胃、魚皮等,畀學生增加創作靈感,例如牛胃可以做成牆紙、魚皮製成皮革等。」




用牛胃做成的物料。


魚皮製成的皮革。


經過壓縮而成的舊牛仔布。


之前有學生採用環保物料製作不同的衣飾。有咖啡渣成分的圍裙。


有過期牛奶成分的環保袋。 到不同公司實習

Joanne指課程着重實用與創意,因此也會提供很多實習和交流機會,「每個學生需要到唔同設計公司實習最少 90小時;另外,有啲學生有機會到英國、法國或瑞典交流半年。上年,學校仲推出一個 Elite student嘅項目,好似去年經過選拔,揀咗 3位學生同設計公司合作,每人設計 6套衫,再喺香港、菲律賓等地舉行 fashion show。」
完成課程後,學生可繼續升學或就業, Joanne說:「本校入面會有一年制嘅 top-up degree銜接課程;如果就業可從事設計師嘅工作,初入職者月薪約為$12,000起。」



時裝及形象設計學系高級講師
Joanne
平常學生係好難接觸到咁多嘅物料,於是就建立 CIMT方便學生。除了時裝設計高級文憑嘅同學外,上年開設嘅時裝設計男裝高級文憑嘅學生,甚至係業界人士亦可使用。



HKDI時裝設計高級文憑畢業生
Tina Ho
我中學開始已經好鍾意設計同扮靚,特別對衫嘅設計好有興趣,所以揀咗呢個課程。𠵱家主要從事有關環保、社會責任嘅產品設計工作,好似我就用咗廠商唔要嘅布料,整咗一個攬枕。



HKDI時裝設計男裝高級文憑學生
莊凱浩
一開始鍾意時裝,會成日上網睇 fashion show,但以前只係識睇靚定唔靚,但讀咗呢科後知道時裝唔係只睇表面,係要睇埋佢嘅運用,用咗咩布料等。

課  程:時裝設計高級文憑
機  構:香港知專設計學院
對  象:香港中學文憑考試五科成績達第二級或以上,包括英國語文及中國語文;或同等學歷,需要參加面試。
修讀年期:兩年
費  用:$106,800(分四期繳付)
內  容:課程着重創意培訓及實習,會通過時裝表演、專題習作、設計比賽、國際交流活動及實習,從而提高學生在時裝設計意念、紙樣繪製及成衣車縫的技巧。
查  詢: 3928 2222

撰文:林依炫
攝影:林文樂

 

文章標籤

tvb4life 發表在 痞客邦 留言(0) 人氣()