Alvin曾說過有一個 30歲前買車買樓的夢想,最近他買了一架六十多萬的汽車,實現了一半夢想,「儲夠錢畀首期,不過仲物色緊樓盤。」

青雲路 Premium Position

洗樓洗出 TOT 做保險年薪過 3百萬

贊助商連結

人生總有高山低谷,如何走出自己的路徑就各有不同。今年 28歲的 Alvin(湯恩鉻),與大多數年輕人一樣都有一個買車置業夢,從而投身了保險行業。初時業績不佳,生活也成問題,但其後 Alvin找到適合自己的方法,洗樓開拓公司客,業績不斷創新高,上年更成為頂尖百萬圓桌會員(TOT),年薪超過 3百萬,可說是精英中的精英。他表示成功絕對要靠努力去換取回來,今年他有望可以再創佳績,同時建立屬於自己的團隊。

修讀旅遊及酒店管理高級文憑的 Alvin,在 10年畢業後加入過銀行業,但其後因收入不似預期轉而投身保險業,「當時做咗銀行櫃台 2、 3個月,覺得前景好難達到自己嘅夢想,我夢想係 30歲前買到車上到樓,咁啱身邊有朋友做緊保險,見佢做得唔錯,就跟咗佢入行。」
現實與理想往往存在差距,沒有作好準備的 Alvin被窘迫的生活消磨了鬥志,「當時自己怕羞,唔好意思同親戚朋友開口,一個月都開唔到一張單,形成惡性循環,冇單愈冇動力做,又更加唔夠膽開口。生活拮据就去走水貨及炒散,貪呢啲出現金糧,可以即時應付生活所需,嗰段時間個人好消極。」

轉做 MPF客

走在低谷的 Alvin,在朋友介紹下認識到現時的上司 Corey及 Yedda,開展了他新的發展路向,「 Corey及 Yedda做保險業成績唔錯,有自己嘅團隊,佢係靠 MPF起家,仲教我點樣用 MPF增加業績。我見呢個係成功例子,就試下跟佢方法做,我就轉職去永明金融,加入佢個團隊。」

每天的工作,就是洗樓及見客, Alvin說:「我嗰 team主要係做 cold call及洗樓,屋企唔係有錢,要畀家用父母,自己有經濟壓力,可能逼到埋牆角,喺同事嘅帶動下,自己放膽去做,至少肯開口。當時定咗唔可以喺返工時間冇嘢做,一係就見客,一係就去洗樓,試過連續洗 4、 5個鐘樓,遇過俾人用粗口鬧,有啲仲唔聽趕我走。 10間公司留到咭片得 2、 3間,之後有得跟進就更少,但都堅持落去。」

頭三個月有收穫

做了不久, Alvin已略有成績,加強了他的行動力,「做咗 3個月,好彩簽咗幾間公司嘅 MPF返嚟。其實每間公司都有 MPF,但唔係間間都有 agent跟進,用呢個位切入會係幾好嘅方法。我會講可以提供咩服務畀公司,好似每月匯報升跌數據畀佢哋,會教佢哋嘅員工點管理自己個帳目,有疑問時可以搵我解答等。千祈唔好誇大自己嘅計劃有幾勁,佢哋從商,數字係真係假一聽就心裏有數,初時佢可能只會將一部分員工嘅 MPF轉畀你跟,睇下你表現如何,建立信任後先會進一步搵你。」 Alvin的第一年收入已有 36萬,算是不錯的開始。
Alvin表示 MPF是一個不錯的開門磚,但要有更好的成績,也要看個人的準備,「除咗同公司客傾 MPF外,我都會幫身邊朋友或個體客整合 MPF,整合 MPF係免費,方便佢管理,會易啲開到話題及約出嚟見面。期間可能會傾到退休方面嘅嘢,從而講到財務規劃嘅事,之後就要睇你嘅技巧,因為儲蓄、保險及投資基金等服務佢哋都會需要,但要睇佢幾時想買及同邊個買,呢啲就要靠自己努力爭取。」




除了尋找新客戶外, Alvin亦定時與現有的客戶聯絡,更新保險及 MPF上的資訊。


入行初期, Alvin表示近乎每天也會去洗樓找客戶,「逐幢工業大廈咁行,夏天時真係成身濕晒,但為咗搵食,無辦法。」


現時 Alvin會到不同的公司開講座,為員工講解公司保險及 MPF的事項,加強他們的認識。 計劃成立自己團隊


Alvin會參加一些義工活動,早前他為湖南一間小學舉辦籌款活動,來興建校舍。

16年, Alvin升為營業經理,上年的業績也讓他擠身成為 TOT(Top of the table)的一員,「要做到 TOT,佣金要係 MDRT嘅 6倍,要 300萬以上,𠵱家我嘅單一半係公司客,一半係個人。除咗 MPF外,可能公司有團體醫保險、火水險等,而個人嘅儲蓄、保險及投資基金等服務我都會去做。」
達成 TOT的目標後, Alvin希望開始建立自己的團隊,「拎到 TOT係一種肯定,同時表明自己嗰套係 work嘅,想建立自己嘅團隊,將自己嘅方法教導出去,大家一齊跑到數。管理團隊係另一種挑戰,時間管理上要做得更好,要花時間同下線練習說話技巧、陪佢哋出去見客等。希望今年個人成績比上年更進一步,又建立到自己嘅團隊。」



阿龍
遠東乾濕洗集團有限公司總經理
最初 Alvin係洗樓上嚟話同我傾 MPF,公司用緊嘅冇 agent follow up,咪畀個機會佢聽下點講,之後有同老闆傾過,話可以畀佢試下,就轉咗比佢跟,見佢嘅承諾都有做到,每樣嘢都有跟足。到𠵱家都跟咗我哋 4年,公司好多保險嘅事項都交畀佢負責。

點入行?

現為營業經理的 Alvin指他有意擴充團隊,歡迎有興趣的人士加入,「要任職理財策劃師必需考獲 Insurance Intermediaries Qualifying Examination嘅證書,做呢行我覺得最重要係膽大心細面皮厚,技巧上嘅嘢會再慢慢教。𠵱家公司有大專生計劃,大專以上畢業嘅新人可以有$10,000或以上嘅薪金津貼,會視乎面試再議,仲有銷售技巧嘅培訓,希望畀少少支援啲新人,可以安心發展。有意應徵者可電郵 mailto:alvin.ym.tong@sunlife.com.hk聯絡我。」身為營業經理的 Alvin現時月入約 30萬。

撰文:曾志恒
攝影:劉宇軒、部分圖片由被訪者提供

 

    tvb4life 發表在 痞客邦 留言(0) 人氣()