陳少邦娶到好老婆

贊助商連結

陳少邦入行十七年,同林峯、楊怡同屬無綫第十三期藝訓班出身。不過,佢一直未能突圍而出,一二年就決定離開無綫轉投港視,可惜港視開台觸礁,又搞到佢做咗無主孤魂,好彩喺內地都有好多登台騷。

雖然事業未如理想,但係陳少邦就有個好老婆,細佢三年、〇七年參加「珠江小姐競選」攞季軍嘅鄭加盈,o依家佢喺澳門廣播電視做主持。公一份婆一份,生活都算冇乜問題。

最近,東姑喺皇室堡撞到陳少邦同老婆行街,今次佢哋係去掃明星嘅二手衫,當日買咗件一千五百蚊連身裙嘅鄭加盈,非常雀躍。老公仔立即幫佢喺門口影相,娶到個咁慳家嘅老婆,陳少邦真係好幸福。

陳少邦星運雖然麻麻,但愛情就好如意, 舊年佢就同拍拖六年嘅鄭加盈結婚。

 

因為二手店講明唔准影相,陳少邦於是以九秒九時速, 幫老婆影咗張相,跟住即刻衝去搭(車立)。

 

鄭加盈比陳少邦細三年,喺〇七年嘅「珠江小姐競選」 攞咗季軍,佢o依家係澳門廣播電視台嘅主持。

全站熱搜

tvb4life 發表在 痞客邦 留言(0) 人氣()