狄龍健步如飛

贊助商連結

早前,曹星如喺社交網貼出一封由狄龍送上嘅利是,上面寫住「勝利雙手創」,仲有個簽名添!曹星如話收到利是嘅時候:「好似找回爸爸嘅感覺」,仲話以前每次比賽前,曹爸爸都會畀封利是佢,叫佢喺台上要小心啲。但自從曹爸爸舊年過身後,曹星如喺比賽前都冇收過利是,今次狄龍呢個舉動,令佢有種受寵若驚嘅感覺。

日前,東姑喺九龍仔公園,見到狄龍喺度散步。可能因為曹星如贏拳,激發咗佢嘅內在能量。其實月前,東姑喺呢度都撞過佢,當時佢隻腳出現問題,行路一拐一拐,有啲辛苦,但係今次見番佢,健步如飛,而且精神爽利,佢行路嘅速度,令到東姑眨下眼已經見唔到佢蹤影!

月前,東姑喺九龍仔公園撞見狄龍,當時佢行路一拐一拐,但係今次見番佢,健步如飛,復原能力超強。

 

曹星如早前同狄龍大哥拍攝廣告,兩人更因此而成為忘年之交。

 

曹星如上載圖文感謝狄龍,話「好似找回爸爸嘅感覺」同埋「想念你曹爸爸」,呼籲大家要珍惜身邊人。

全站熱搜

tvb4life 發表在 痞客邦 留言(0) 人氣()