韋家雄散發男人味

贊助商連結

五十一歲嘅韋家雄,入行廿八年,默默耕耘,前年終於憑《梟雄》勇奪「最佳男配角」,可謂苦盡甘來。日前,韋家雄仲畀網友激讚,皆因佢搭港鐵時,成功阻止一名中年男人偷伯女乘客,事後佢就話自己平時都鍾意抱打不平,「見到唔啱都會出聲!」man到震!

日前,東姑去元朗大棠荔枝園玩摘士多啤梨,咁啱就撞到韋家雄拍新劇《平安谷之詭谷傳說》嘅外景。當日,劇情講述飾演軍閥嘅徐榮,帶領軍隊入侵平安谷,勞改班村民,繼而與演平安谷保長嘅韋家雄,大動干戈。呢場戲,同樣feel到韋家雄嘅男人味滿瀉。

至於,同場演村民嘅翟威廉,早輪就話拍完劇會去蘭桂坊消遣,仲自誇係「超級黃金單身男」,等女埋身;不過,由於當日天氣炎熱,放飯期間,佢就打大赤肋散熱,陽剛味濃郁,可惜緋聞女友陳庭欣就冇望佢一眼。

日前,韋家雄搭港鐵時,因成功阻止一名中年男人偷伯女乘客而被網友激讚。

 

劇中演平安谷保長嘅韋家雄,呢日梳了一個all back頭,行路時昂首挺胸,甚有氣勢。

 

埋位前,韋家雄喺間臨時搭建嘅房入面, 由女工作人員手上接過民初嘅戲服,即席換衫。

 

一名工作人員預先將川貝枇杷膏溝色素粉,造出假血漿,然後塗喺韋家雄嘅背脊上。

全站熱搜

tvb4life 發表在 痞客邦 留言(0) 人氣()