廖碧兒自製香艷場面

贊助商連結

早前,廖碧兒(Bernice)就被指忽然富貴,既搬入大埔嘅千萬豪宅,又有女司機載佢去山頂大宅幽會富豪。事後,Bernice就解畫話,個司機識咗十幾年,大埔間豪宅係自己買嘅,仲入住咗四年,自己賺錢自己使,從來唔使人送錢喎。

日前,東姑喺九龍塘探班,忽然見到Bernice坐車經過,身穿紅色外套嘅佢,一邊叫司機慢駛,一邊伸個頭同無綫嘅劇組人員打招呼,老友鬼鬼。期間,東姑就偷聽到,佢喺附近拍完ViuTV嘅《瑪嘉烈與大衛系列:前度》,所以咁啱經過,東姑見到佢不時流露甜到漏嘅笑容,真係好似蜜運中噃。

另外,Bernice近日食兩家茶禮,勁和味!皆因佢仲幫有線嘅奇妙電視,主持新節目《香港有寶證》。日前,節目喺西環電車總廠搞咗個記招,之後Bernice就換咗件露臂top,同河國榮、李尚正及盧頌恩留低繼續拍嘢。期間,東姑就見到Bernice表情多多,O嘴、瞪眼、喪笑做齊晒,好鬼投入,仲唔小心露咗bra帶添。好彩,佢夠醒目,立即伸手拉一拉件衫遮番好,不過成個場面都幾香艷o架。

日前,無綫劇集喺九龍塘拍外景,廖碧兒咁啱路過,立即停車同呢位白髮工作人員打招呼,仲笑到見牙唔見眼添。

 

後尾,廖碧兒見到東姑影相,瞬間擰個頭同東姑笑笑口,心情極佳,唔通真係蜜運中。

 

臨到上車拍攝前,廖碧兒驚覺露咗黑色bra帶, 嗱嗱聲伸隻右手整番好,殿後嘅河國榮,則尷尬到擰歪面。

    全站熱搜

    tvb4life 發表在 痞客邦 留言(0) 人氣()