傅明憲贏盡富二代

贊助商連結

傅明憲自從同莊氏集團太子爺、細佢十一年嘅莊家彬,九年情玩完後,就寄情玩狗同周遊列國打發時間。家中養有三隻北京狗嘅傅明憲,開口埋口都係狗,東姑問佢有冇訓練三隻愛犬一啲特別技能?佢竟然話:「佢哋訓練得我幾好,佢哋有乜需要就會吠我,每朝要食早餐就會抓我塊臉同插我眼。」果然係狗癡。

咁除咗愛犬,傅明憲仲有好多好朋友嘅。早前係物流公司老闆王嘉恩嘅牛一,係人都知佢同丁子高老友鬼鬼,所以丁子高就藉住呢個日子玩大佢。請咗城中幾位名人好友,包括:皮草太子爺王大業、官二代葉瀚華、傅明憲、莊思敏、何傲芝等,一齊happy吓。

有丁子高喺度,當然就一定有飯後餘興節目,仲一浪接一浪添。而遊戲全部由丁子高一手策劃,好似限時食橙、估啤牌、原地自轉、隊香檳、打電話玩親友等,遊戲環節由九點玩到凌晨十二點幾,個個笑到碌地。最後,竟然由弱質纖纖嘅傅明憲,攞得最多現金,成為全晚大贏家!

其中一個遊戲係打電話整蠱朋友,梗係由傅明憲勝出,因為佢夠多朋友嘛;而全晚嘅大贏家亦都係佢,睇佢成手銀紙,連壽星公王嘉恩﹙左﹚都直竪拇指。

 

玩背對背估號碼,傅明憲﹙右﹚一樣贏「廖創興」後人廖偉麟﹙左﹚,估唔到佢玩遊戲咁耍家。

 

前經濟發展及勞工局局長葉澍堃嘅乖仔葉瀚華,佢平時官仔骨骨,玩遊戲嘅時候,原來可以咁放。

 

向來走型仔路線嘅王大業﹙左﹚,玩遊戲時都好投入,完全真性情流露。

    全站熱搜

    tvb4life 發表在 痞客邦 留言(0) 人氣()