盛品儒胸前脹卜卜

贊助商連結

亞視前執行董事、現年四十歲嘅盛品儒,外形高大靚仔,談吐溫文爾雅,又有家底,眾所周知佢係一個筍盤,所以一直深受女士歡迎。難怪,一三年尾結婚之後,佢依然大把花邊新聞。

早前,東姑喺馬來西亞機場撞到盛品儒,之前有傳佢鍾意背住老婆蔡一鳳,出差偷歡;不過,今次東姑可以做證,佢真係同男同事去傾遊戲代理,五日四夜,馬不停蹄,仲邊有時間媾女呀?

回程時,咁啱盛品儒又同東姑同機,唔好以為有米嘅佢坐頭等,查實佢好慳家,短途機都係坐經濟,長途先買商務。當日,東姑仲留意到佢唔單止靚仔,仲操到好大隻,兩嚿胸肌脹卜卜,真係好吸睛!

當日,盛品儒以心口行先,兩嚿胸肌脹卜卜,好搶眼!

 

盛品儒自知有身型又靚仔, 所以行到去邊,佢都會影自拍,跟手放上網呃like。

 

佢同東姑講今次去馬來西亞,主要係同幾個男同事,一齊去傾遊戲軟件。

    全站熱搜

    tvb4life 發表在 痞客邦 留言(0) 人氣()