葉天賜父親葉文山(下左)及母親陳潔麗(下右)皆是東方人相貌。

中環人語

此子何來問句妻

贊助商連結

上市半日就被證監勒令停牌的駿傑( 8188),焦點遂落在其保薦人浩德融資老細,即葉劉姪仔葉天賜( Arnold)身上,其父為正興建築創辦人葉正平長子,母親為前軍閥陳維周孫女陳潔麗,貴為名門之後,且畢業於英國劍橋名校,外形討好,是正牌「金融才俊」。

 


但中環口痕友提出一個非常奧妙問題,何解 Arnold相貌好像混血兒,其父葉文山及母親陳潔麗都係中國人面孔,莫非父母有隱性洋人基因?套用死鬼曹仁超一句,木哉羊?只可以講一句,貴為葉家的長孫,葉天賜沒分得家族分毫,全靠自己一雙手,或者重溫任劍輝主演的《此子何來問句妻》或者有些頭緒。

葉文山

陳潔麗
老實三六九
由鄭維志家族控制的永泰地產( 369),自從五年前重組以少於六億元取得南聯(現稱萬科( 1036))過百億資產,令人刮目相看, 369手頭揸住唔少值錢資產,如觀塘 Landmark East,倫敦都有多幢商業收租物業,然而管理層「太老實」,股價長期徘徊四、五蚊邊,香港磚頭有價都冇乜上落,即使早排有中資財團睇中其灣仔 W. Square全幢,開咗個價俾永泰,只不過管理層無意出售請吃閉門羮便算數,激到揸住 369嘅基金佬扎扎跳,又係嘅,出個通告,公告天下有中資財團垂青其資產,股價點都可以刺激一下!

鄭維志家族在港的上市旗艦只有永泰地產,估計不會隨便出售資產。

W. Square位於灣仔區,早前曾翻新;同區的大新金融中心去年獲光大集團以一百億元購入,令附近商廈價值亦水漲船高。
中環寸嘴 工廈小王子復仇記@陸羽
兩個禮拜前睇《信報》專欄,唯靈寫「陸羽」對面間食肆試業,即係以前新同樂個位,嗰度樓底矮都唔係好好坐,唯靈寫話個「杏汁白肺湯」每位要一百二十蚊,嘩,打對台嘅「陸羽」,一鍋夠四人飲都係二百三十蚊,咁啱有老友喺溫哥華返香港,就一齊去「陸羽」叫個「杏汁白肺湯」試真啲味唔係老作,咁就有個 bench mark,等我第日去對面間新食肆捧場嘅時候,就比較到佢百二蚊一碗「杏汁白肺湯」值唔值;正所謂唔好聽價唔聽斗!
臨走時,打對台間食肆神神秘秘舞獅搞開張儀式,企喺門口睇吓有乜大龍鳳,吖,個揸弗人「阿錢」立即撲埋嚟好「謙遜有禮」咁同我握手,誠懇之程度同我出道時嘅姿勢有得揮。此情此景,證明我仍有市場價值,個揸弗人直頭「生擒陸羽第三代常客」,拉客去佢嗰邊,睇到陸羽啲茶博士眼擎擎;超!唔係有次朝早十點半鐘去陸羽飲茶,揸水煲條友話無位喎,我今鋪上演一齣「沙士髀罅」名著——工廈小王子陸羽復仇記!

陸羽$230一鍋杏汁白肺湯。

同陸羽打對台間食肆神神秘秘開業。

對面食肆揸弗人阿錢(左)撲埋嚟同我握手,擺明「拉客」,陸羽個 captain(右)睇到頭耷耷。

老子(右)出道時同人握手都「謙遜有禮」㗎。
楊國佳
工廈大王楊耀松長子,八十年代往北美洲開山劈石,做一帶一路先頭部隊,自比為星仔變星爺前冇人懂欣賞其無厘頭文化,廿年後終於領略當中奧妙,與粉絲分享在北美洲各路人士交手經歷,絕不老點。
拔萃女校友魔咒

何超鳳去年初已經與何志堅離婚,何志堅年近六十,據知脾氣相當好,回復單身後,有不少金融界友好向他介紹女朋友。

拔萃女書院這間百年名校,人才輩出;只不過有才幹有主見嘅女士,要搵到個男人遷就得到也非易事,有云女拔萃校友離婚率偏高,屈指一算,離婚名校友有前環境運輸及工務局局長廖秀冬、前港姐楊寶玲、孫泳恩及藝人傅明憲等等,最近又印證一例,賭王女兒何超鳳也是拔萃女書院校友,去年跟結婚廿三載何志堅離婚,聽講何生脾氣好好,只不過到了忍無可忍的臨界點惟有分開。
(宗菁華)
centralman@nextdigital.com.hk

    文章標籤

    中環人語 此子何來問句妻

    全站熱搜

    tvb4life 發表在 痞客邦 留言(0) 人氣()