何傲兒「坤哥」陪開工

贊助商連結

何傲兒(Lily)同林建名嘅「爺孫戀」傳咗好幾年,直到舊年林建名正式簽Lily做旗下藝人,兼收埋佢做契女,緋聞先至告一段落。早排,林建名間「大名」幫許冠傑搞個唱,Lily就做足三晚嘉賓,不過,事後佢就否認契爺有特別照顧,「我有工作能力,都唔使人照顧!」睇嚟好想劃清界線。

早排,東姑去機場歎茶,咁啱撞正戴咗副大墨超嘅Lily,同一位貌似「坤哥」嘅男士開餐;期間,呢位「翻版坤哥」不時o氹到女方甜笑,而同行仲有位中女。醫飽肚後,佢哋就行落樓下睇玩具,Lily仲興奮到手指指問價,童心未泯,認真估佢唔到。夠鐘上機,Lily於是去排隊過關,再托高副超畀海關認樣。女神,都冇特權o架!

難得喺機場撞到女神,東姑呢排咪一直check住佢嘅社交網,睇吓佢出埠搞邊科。早幾日,佢就上載咗張喺廁所同貓咪嘅合照,留言話自己拍緊嘢,又有張喺車廂夾起晒頭髮、飲住凍飲嘅自拍相,重寫埋「去哪裡就去哪裡⋯⋯去到邊食到邊」。寓工作於娛樂,女神真識歎!

呢位「翻版坤哥」同真坤哥樣貌有七成似,爭在係金毛,身後嘅Lily見到都忍唔住笑。

 

上機前,Lily先同「翻版坤哥」食碗麵醫肚,期間女方講到手舞足蹈。

 

Lily喺玩具店外打量咗一陣,即好奇伸手問店員玩具嘅價錢,結果都係運桔。

    全站熱搜

    tvb4life 發表在 痞客邦 留言(0) 人氣()