白只夜麻麻去買花

贊助商連結

新一屆香港電影金像獎將至,舊年攞咗「最佳男配角」嘅白只(原名凌智豪),近日就忙於同獨立樂隊「朱凌凌」其餘隊友,幫ViuTV拍新劇《午夜伴廊》。事業唔錯,愛情都順風順水,去年佢同富家女顏卓靈撻着後,就陪女方返教會,不過佢就坦言返到瞌眼瞓。

日前,晚上十一時半,東姑喺太子花園街撞到白只單拖睇年花。最初,東姑見佢對住盆桃花傻笑,以為佢想買番盆催吓桃花運,但最尾佢都忍手冇買;東姑唔覺意聽到,白只同店員講嘢,原來佢係嚟幫阿媽攞番之前訂咗嘅蘭花。畀完錢,佢打畀伯母交代番,最後,白只就揸住逾三十萬嘅戰車絕塵而去。夜麻麻,都揸車幫阿媽畀錢買蘭花,咁孝順,顏卓靈冇揀錯噃。

初時,白只睇見有桃花賣,有啲心郁,但最後都係慳住荷包。

 

睇到眼花撩亂嘅白只,最尾都只係幫阿媽買咗盆蘭花就鬆人。

 

同伯母通完電話,白只就揸住架逾三十萬嘅Land Rover Defender走人,而呢架車係當年張繼聰用友誼價轉讓畀佢嘅。

    全站熱搜

    tvb4life 發表在 痞客邦 留言(0) 人氣()