盧海鵬懶得理你

贊助商連結

盧海鵬(鵬哥)除咗出名「試咪」之外,大家最期待當然就係佢做戲啦!最近,佢就同黃嘉樂、樊亦敏、麥長青等合作新片《香港風雲系列之教父》,投資者係向華波,呢個陣容一睇就知有氣勢。

鵬哥同東姑講,佢雖然已經開工,但係都未知道自己做咩角色;不過,佢就話做一個專業嘅演員喺現場隨時候命就可以,「我唔使準備,要我做乜嘢,都可以即刻演。」老戲骨即係老戲骨。佢仲同東姑透露,會幫奇妙電視主持節目《放試》,講到佢有兩位靚女拍檔前新聞主播趙海珠同林小珍傍住,一定爽到震,鵬哥就話:「話之佢係靚女、醜女或蠢女,都係咁樣合作,收到工就得,總之條氣唔順就『試咪』,我教親人都係講粗口。」

講番《教父》,戲入面黃嘉樂就做醫生,之後慢慢變成教父,期間會同老竇鵬哥、大哥麥長青經常鬧交,佢第一次接演呢種角色,仲要係同鵬哥合作,真係好緊張。日前,東姑喺尖沙咀金巴利道撞到佢哋喺度拍緊送中槍嘅鵬哥入院,未埋位,黃嘉樂已經表現得好緊張,不停抽煙紓緩自己;而前輩級嘅樊奕敏就從容不迫,坐埋一邊慢慢覆WhatsApp。至於,鵬哥當然最輕鬆,攞住部手機玩遊戲,助導叫埋位,佢依然慢條斯理咁行埋去,東姑真係服咗佢囉!

呢晚劇情講述鵬哥遭人暗算中槍,之後去咗個仔黃嘉樂間醫院急救,埋位前鵬哥完全唔使睇劇本,胸有成竹,玩手機消磨時間。

 

黃嘉樂心情明顯好緊張,未埋位就狂吸煙紓緩心情。

 

黃嘉樂仲周街放煙灰,似乎欠缺咗少少公德心囉。

 

前輩級嘅樊亦敏就從容不迫,坐埋一邊慢慢覆WhatsApp,同鵬哥一樣冇壓力。

    文章標籤

    盧海鵬 懶得理你

    全站熱搜

    tvb4life 發表在 痞客邦 留言(0) 人氣()