呢個扶手電梯靚唔靚？好特別，好吸引，這條扶手電梯就係由街上辦館

So Comment

老闆同廚師冇 heart　辦館 地址：銅鑼灣謝斐道 535號 Tower 535 3樓 302號鋪 電話： 3188 9650（丙-）

贊助商連結

WHY?WHY?TELL ME WHY?
嗱！從外貌看來，「辦館」都好吸引，但三次經過都冇人！哈？
點解呢？係咪 Tower 535太新呢？香港人好犀利，乜都第一時間就知，好 in㗎喎！於是我自己去搵吓原因⋯⋯

招呼⋯⋯

友善⋯⋯helpful⋯⋯唔 pushy⋯⋯有笑容⋯⋯總言之不但 no complain，反而覺得各人都好戮力演出，喺佢哋介紹下，叫咗幾味""可惜後來食物太差，我問他們有沒有試食過，原來一味都未食過。

上晒扶手電梯轉個彎就見到一個好光的光嘅一個好似當鋪咁嘅招牌，呢個就係「辦館」嘅招牌，在正中。


右邊手係一些座位


左手邊係一個酒吧，旁邊亦有幾張細枱 食物

先叫了杯夏枯草，都好有新意，喺一間咁摩登嘅地方有啲咁懷舊嘅飲品，最重要係學咗夏枯草英文係「 PRUNELLA」。


田園沙律$78中規中矩


港式椒鹽燒賣$38咬一啖


再睇吓炸漿裏面，嘩！乜嚟㗎?!Yuck！


Tomato Parma Ham Bruschetta$68點解熱嘅？點解 grilled cheese???


芝士肉醬薯條$58還可以。


咖喱炸雞扒飯$88個 menu乜鬼都炸，連咖喱雞都係炸，食物唔靚咪用炸嘅方法去掩蓋囉！咖喱汁還可以。


甜品叫咗雪糕曲奇三文治$58搵笨


反轉原來只係兩片麥維他夾住一杯小雪糕，嗱！呢一吓真係有少少嬲

總括：客觀條件非常好，連打工的，都有心。可惜最冇心的是兩個
靈魂人物，老闆和廚師，咁就死路一條，唔識煮，唔好做食！唔識食，唔好做食！唔鍾意食，都唔好做食！

由酒吧旁有道小門，出去真係外有洞天。


露天座頗大亦非常舒服

地址：銅鑼灣謝斐道 535號 Tower 535 3樓 302號鋪
電話： 3188 9650

蘇施黃
資深電台人，天生異「口」，除了講嘢叻，食嘢同樣嘴刁，近年開咪、上電視做主持都不離教人食得精，吸引大批粉絲跟佢搵食。

攝影：蘇施黃