林雅詩被趕走嗌跳樓

藝人林雅詩近年和老公溫文英為離婚一事而對簿公堂,更曾因手腕離奇受傷而惹來自殘入院疑雲,昨晨她突然在社交網站留言指被趕出家門及想跳樓,其後一度芳蹤杳然,同時有讀者爆料目擊她危坐窗邊,但被老公拉扯阻止並發生爭執,情況令人擔心!

贊助商連結


婚姻失意,林雅詩以性感姿態復出!

38歲的藝人林雅詩(Grace)息影多年,前年突然復出推出性感寫真集,更頻頻出席活動曝光,原來背後爆出與結婚逾十年的圈外老公溫文英感情生變,同年因溫文英被拍得當街啜爆「小三」,令她終於忍痛單方面搞離婚,惟對方一直遲遲未肯簽字,令二人為離婚一事對簿公堂,她更多次表示仍未搬出與老公的西貢愛巢,並已分房瞓多年!


林雅詩為與溫文英搞離婚一事,大為困擾。
Po文後玩失蹤

Grace昨日早上十時左右突然在社交網站表示有人每日用說話打擊自己,更被趕出家門,故有輕生念頭:「女人唔易做,點解有啲人離婚,老婆還可以生活好好,點解佢可以咁XX,我每日為生活而努力,佢每日畀說話我聽打擊我,屋我是可以住,現在要趕我出屋,扣左扣右,離婚就甚麼也不需要負責,唔知以為畀好多。本想從屋跳下來,可惜只得2層樓,太矮了,心痛得狠。。。」此貼文上載了足足十小時,Grace完全失去蹤影,連其好友亦聯絡不上她,而本報多次致電Grace,但截稿前未有回覆。

同時昨日本報收到讀者爆料,聲稱是Grace的鄰居:「大約6點幾,我架車返屋企見到林(林雅詩)坐喺窗邊跟住畀佢老公拉返入屋跟住好嘈。林好似想跳樓,嚇死人。」而本報記者昨日到Grace西貢寓所,亦未見其芳蹤。

緋聞男友證飽受困擾

Grace經理人兼緋聞男友馬天樂昨日下午接受本報電話訪問,表現不欲多言,指找不到Grace:「我都聯絡唔到佢。(佢有冇同你講過佢呢排唔開心?)都有,最主要都係關於佢同佢老公離婚官司嘅嘢,佢一直都覺得好困擾。」

直至昨晚九時,馬天樂再代Grace回覆本報:「佢依家OK。(佢依家點?)呢方面唔方便透露。」

其實早於Grace復出娛樂圈初期,已經傳出婚姻有問題,並被發現多次出入醫院,包括因手腕經常離奇受傷等。而她正式復出前,曾被發現常在微博上載(界)手相及寫下充滿情緒性留言,但她聲稱並非本人及否認患有情緒病,同時她承認飽受不少壓力,要靠安眠藥入睡。她又曾對外表示老公之前每月給予五千元作家用,兒子的所有費用,包括課外活動及學費,要開單給他逐次實報實銷。

文:專案組

攝:追蹤組

過來人羅霖曾萌輕生勸諗開啲

曾被林雅詩視為「偶像」的過來人羅霖,鼓勵她要勇敢撐下去:「希望佢冇事,為咗小朋友一定要諗開啲,我自己離婚都離得唔愉快,好多人以為我攞咗好多錢,其實仲要分埋我一半。兩個人唔啱就唔好再住埋,有時可能因為冇能力搬開,呢方面男人應該要有風度,我知有啲男人唔做呢啲,我自己都親身經歷過,我想勸佢疊埋心水畀心機工作湊大個仔,但呢條路唔易行,問題係點將困難時期縮短。」

羅霖回憶當年低潮時也曾萌輕生念頭,但想到三個兒子要面對一個自殺的媽媽,就覺得自己太自私:「我相信上天有眼睇,一定會保守好人,為咗小朋友、為自己將來,人生匆匆幾十年好快過,最緊要搵到自己快樂!」

選完港姐拍三級片

現年38歲的林雅詩參加1997年度香港小姐入行,雖然未有名次但獲簽約無綫,1998年約滿後,她獲導演王晶賞識踏入影壇,憑33B上圍脫穎而出,高峰期的三年內拍了十二部三級電影而成名,當中《獸性新人類II》、《邪教檔案之末日風暴》最為人津津樂道。直到2002年結識老公溫文英後開始淡出,2005年拉埋天窗並育有一子,可惜2015年宣布辦理離婚。同年,她復出並推出寫真集響頭炮,當中一個神奇女俠造型令她再戰娛樂圈。其後她再參與電影工作,在電影《功夫之王》中擔正女主角,更不時到內地登台搵真銀。

有自殺傾向要睇醫生

林雅詩在網上發文表示曾經有輕生念頭,萬一在日常生活中,身邊人出現自殺傾向應該如何是好?精神科醫生曾繁光說:「如果身邊人出現自殺傾向,除咗陪吓佢哋之外,應該帶佢哋睇醫生,尋求專業人士嘅幫助。因為有研究顯示六至八成輕生者都有抑鬱症嘅症狀,所以唔可以忽視,一定要帶佢哋睇醫生。」曾醫生補充,若遇上有人企跳應保持鎮定,並盡快報警求助。

顏仟汶:佢搵到宣洩渠道!柯嘉琪見「家姐」有壓力

對於林雅詩Po文指被趕出家門,慘到想自殺圖跳樓!與她相熟的圈中好友包括顏仟汶、柯嘉琪及張文慈就事件作出回應。


顏仟汶

顏仟汶擔心林雅詩:「我喺社交平台見到,但我相信佢應該係OK嘅。如果佢唔開心會同人傾,佢選擇咗呢個方法講出嚟,以我理解佢搵到宣洩嘅渠道,同埋想身邊人及Fans知道件事。(上次見有冇講過?)早兩三個月拍戲見過,佢同平時一樣。好多事都係眼神就知道,唔需要多問。(慶幸自己同正分居老公關係好?)我唔會話係『慶幸』,但我覺得做到夫妻係幾生修來,一段緣分就算分開咗都唔應該搞爛佢,我同我啲前度仲做到好朋友。」又指仍與正分居的老公保持聯絡。

柯嘉琪

碩士女藝人柯嘉琪透露早前與林雅詩工作不覺對方有異樣,又表示當林雅詩是家姐。提到林雅詩想尋死,她說:「冇聽過,佢呢幾個月表現到冇嘢,但有時飲嘢都見佢有啲壓力,佢工作嗰陣係笑口對人,但佢係有壓力,佢會過到,要家人同朋友支持佢。(同佢傾過?)有開解佢,佢OK,作為妹妹只可以叫佢加油,但有啲嘢要佢自己諗。」

張文慈

「過往佢唔開心我都有鼓勵佢、支持佢,但我最近拍劇,大家少咗聯絡,我唔知佢發生咩事,只希望佢要知道,身邊錫佢嘅人有好多,叫佢唔好放棄,加油!」

    全站熱搜

    tvb4life 發表在 痞客邦 留言(0) 人氣()