薛凱琪絕冇卸膊

贊助商連結

喺〇八年患過抑鬱症嘅薛凱琪(Fiona),自爆當時絕望到日日想辦法尋死,試過鎅手同食安眠藥溝紅酒自殺。事過境遷,今時今日嘅Fiona有愛情滋潤,又成日同男友去旅行,睇嚟好事近啦!

之不過,Fiona對愛情嘅睇法,喺抑鬱症之後就有好大嘅變化,「抑鬱症之後令我揀男仔、點樣同個男仔表達愛、相處之道都唔同咗,以前我一拍拖,就花晒所有心思畀個男仔,心係代表時間、專心, 但o依家我覺得要有番自己先。」

日前,東姑就喺天后見到「要有番自己」嘅Fiona同助手。雖然佢戴咗口罩,但係齋望條頸已經認得佢啦!呢晚,弱質纖纖仲好似病病哋嘅佢,孭住一個巨大嘅FENDI背囊。現場所見,佢就孭到甩晒膊,睇嚟有啲吃力;不過,佢絕對冇卸膊畀助手,堅持自己個袋自己孭番。

東姑見到四肢纖細嘅Fiona,孭住一個又重又大嘅背囊感覺好吃力,雖然有助手同行,但係佢就堅持自己嘅背囊自己孭!

 

Fiona呢日帶咗口罩不特止,而且目光呆滯,似乎有啲病喎!

 

早前,傳出Fiona同富二代鄧皓基拍拖三年,佢仲經常帶男友出席自己嘅朋友活動添。

    全站熱搜

    tvb4life 發表在 痞客邦 留言(0) 人氣()