陳庭欣騷長腿掃鮑

贊助商連結

一〇年港姐冠軍陳庭欣(Toby),最近因為喺劇集《致命復活》畀人「一秒強姦」後殺死,仲要棄屍荒野,而成為一時熱話。陳庭欣嘅被姦相更加畀網民瘋傳,令入咗行六年嘅佢,終於有一秒佳作。有代表作,本來係開心,不過,幾個月前佢同好姊妹張名雅,因開門利是事件傳出不和,之後佢哋雖然話冇事,可惜就成日畀人影到佢哋面左左。

日前,東姑喺維園嘅工展會撞到陳庭欣,呢日即使天氣幾凍,但係愛靚唔愛命嘅佢,就着條熱褲周圍走,一對四十二吋長腿,既白且滑,搞到東姑都忍唔住(目及)多兩眼。而孤伶伶一個人周圍逛嘅佢,心情明顯唔係好靚,行咗個幾鐘,都只係喺蔘茸海味攤位,買咗一個二百幾蚊嘅福袋。東姑八過,福袋入面有一罐鮑魚,仲有啲鮑魚麵等,睇嚟佢對鮑魚情有獨鍾。

最近,陳庭欣因為喺劇集《致命復活》畀人「一秒強姦」,而成為網民嘅一時熱話。

 

喺工展會行咗個幾鐘嘅陳庭欣,竟然只係買咗一個二百幾蚊嘅福袋。

 

近排天氣咁鬼凍,陳庭欣竟然着住條熱褲周圍走,搞到東姑都忍唔住

    全站熱搜

    tvb4life 發表在 痞客邦 留言(0) 人氣()