蘇民峰神算避過一劫?

贊助商連結

蘇民峰(蘇師傅)係香港嘅著名玄學家之一,平時就牙擦擦,講到自己幾咁神機妙算,準唔準、靈唔靈見仁見智,老土啲講:信則有,不信則冇啦!

東姑咁啱聖誕前夕,喺香港機場撞到蘇師傅,原來佢同老婆飛去日本,嗰日見佢行李包括有滑雪用品,估計應該就係出發去北海道,因為佢喺當地買咗間屋當「行宮」,逢新年聖誕都會去北海道滑雪兼度假,而今次都唔例外。

不過,聖誕假期,北海道遇着五十年一遇嘅大雪,機場交通大混亂,航班好多都飛唔到,就連大美人李嘉欣一家都喺嗰幾日滯留北海道嗰邊機場,就知天氣幾咁不似預期啦!之但係咁,東姑聞說蘇師傅今次係飛去大阪先,再轉機北海道,行程完全冇受任何影響,唔知佢係咪出行前,幫自己擇晒好時辰同埋方位先,真係勁得咁離譜?

同埋,嗰日機場佢仲出行遇「貴人」,不嬲同徐淑敏(Suki)幾friend底嘅佢,撞到Suki同埋老公、三個女都喺呢日搭飛機外遊,大家可以順便喺機場敍吓舊,不知幾咁爽。東姑見佢兩家傾到雞啄唔斷,唔係趕住入閘蘇師傅都唔捨得走人;可能係擇日不如撞日,即場教路恨追番個仔嘅Suki,點樣生個慈菇椗都唔定。有蘇師傅呢個高人指點,Suki明年等佢添丁啦!

蘇師傅同老婆喺香港機場出發,去日本北海道度假,行李包括有兩大袋滑雪用品。

 

有蘇師傅神機妙算擇好日子,又識安排先飛大阪再落北海道,而且check-in時仲好man咁搬抬行李,多得佢,老婆真係全程唔使憂喇!

 

蘇師傅離遠見到Suki一家,立即飛撲埋去打招呼,老友聚舊似乎好開心。

 

Suki同老公黃浩搭飛機出遠門都相當大陣仗吓,一行四個保鑣,兩個幫手搬行李,兩個企喺後方保護傍到實。

    全站熱搜

    tvb4life 發表在 痞客邦 留言(0) 人氣()