理論上,同一個 model,開篷版一定比硬頂版較重,但廠方資料話 718 Boxster S與 718 Cayman S車重同為 1385kg,情況甚為罕見,到底是軟篷組件特別輕巧抑或是車頂特別重料就不得而知,不過兩者性能以至操控感則完全一樣(開篷版車架一樣超硬淨),唯一分別是車價,值唔值俾多$42,000玩開篷車,則視乎閣下需要。

壹號幹線

猶如被馴服了的速龍  Porsche 718 Cayman S

贊助商連結

新版 718 Cayman S係一部極不尋常的跑車,它除了俾到你跑車應有速度之外,最可怕嘅地方盡在操控。一般跑車,可以有佢咁快,未必有佢咁好彎;有佢咁好彎,又未必有佢咁富服從性及溝通感,這種集兇狠卻易被馴服的精煉車架調校,確實只此一家。

性能等同 Cayman GT4

售價:$1,077,000
引擎: 2497c.c.,水平 4汽缸;中置,後輪驅動;渦輪增壓
馬力: 350匹/6500rpm
扭力: 42.8kgm/1900-4500rpm
波箱: 7前速自動雙離合器
長/闊/高: 4379mm/1801mm/1295mm
重量: 1385kg
耗油量: 7.3L/100km(公路及市區綜合計算模式)
0-100km/h: 4.2秒
極速: 285km/h
查詢: Porsche Centre HK
網址: http://www.porsche-hongkong.com 

彈一彈:喉聲調校未夠激情;買了部快車但始終未能一睹引擎真身,點講都係冇癮。

讚一讚:引擎反應凌厲積極,加速起圍富爆炸性;車架剛性及平衡度超班,操控狠辣又兼具服從性,快車慢車點都唔會悶。



與 718 Boxster S一樣轉用 2.5公升水平對向四汽缸直噴引擎,「 16嘩佬」可變活瓣設計, turbo裝置加入了 VTG可變葉片技術。 350匹馬力比改款前的 3.4公升引擎多 35匹及 6.1kgm扭力,而且低至 1900rpm已可將峰值扭力全數釋放, 0-100km/h加速縮短至 4.2秒,平均油耗僅 7.3L/100km,分分鐘慳油過你部房車。



示範車加裝了 PASM電子避震及 PTC後軸扭力控制系統(透過左右主動制動介入),配合剛性極強的車架結構,入彎指向準又狠,出彎靈活性亦強得驚人,而且時時刻刻都有高度傳真的軚感、路面感,讓駕駛者好清楚了解汽車狀況,加上信心十足的制動系統,充分發揮出 MR布局魅力所在,好揸到唔願落車。



除了冇咗粒開篷掣,車廂布局同 718 Boxster 99%一樣。駕駛位置及軚盤手感都正到冇得彈,而且設備上亦對得住「過球」車價,
小小車廂一樣有雙區冷氣,音響系統對應 Apple CarPlay,可以話係豪華跑車。



保時捷教你開跑車正確態度,就係要時刻留意引擎轉數錶( 4000-5000rpm最醒神),速度反而是次要,最右的為全數碼多功能 info display,提供多項行車資訊,唔識路時甚至可變成導航地圖。



Sport Chrono錶已成為波子車廂 iconic代表之一,除報時外,其實還可以計 lap time,點樣用? sorry,從來唔識……



尾翼於 120km/h時會自動張開增強後軸下壓力,你自然會諗:「咁咪要超速犯法先用到?」唔使驚,系統可以隨時手動操作,不妨大塞車時用來「晒命」。



S版採用中置孖圓死氣喉,造型相當不俗,但因未有安裝「響喉」 option,排氣聲浪還未算好激情,冇計, turbo引擎通病。



前軸轉向組件直接從 911 Turbo移植過來,懸掛主要組件全屬鋁合金製品,剛性強,又夠輕身。



雖然喉聲爭少少,但若聽 engine聲的話就必定比 Boxster正好多,唔清楚廠方有心定無意,總之每當踩高轉時後座便會出現類似喇叭音箱效應,將 engine聲放大之餘更有環迴效果,愈高轉,愈刺激。



波子桶櫈刻意保留經典造型,睇落唔覺好辣,但一坐落去就「 fit到漏」,若要更仔細調校的話, 14way電動、氣壓系統一定幫到手。



試駕車裝有價值$13,700(連稅)的 20吋 Carrera S輪圈及價值$13,700(連稅)的 PASM電子避震,離地距會降低多 10mm,原裝 330mm鋼制動碟配四活塞卡鉗煞車效能絕對靠得住,無謂花錢 upgrade碳陶瓷碟了。



嗱嗱嗱,唔好再話跑車唔實用載唔到嘢喇!前後都有行李箱,你部車有冇吖?容量的確係有限公司,但有得擺,總好過冇得擺。

撰文:廖宏俊
撰文/攝影:方保山
mailto:features@nextdigital.com.hk

 

    文章標籤

    Porsche 718 Cayman S

    全站熱搜

    tvb4life 發表在 痞客邦 留言(0) 人氣()