鄭敬基眼力衰退?

贊助商連結

今年五月,五十四歲嘅鄭敬基,同年輕自己十九歲嘅Angie結婚。婚後個幾月就入院做手術,雖然佢唔肯講係乜嘢病,但係佢手背插咗支大喉管,估計係做心臟「通波仔」手術。東姑睇到都有啲心寒,好彩手術成功!

而鄭敬基嘅復原能力亦相當快,日前出活動時,同東姑講嘢嘅聲音相當洪亮,中氣十足,佢仲話o依家每星期都做三日運動,飲食清淡咗,之前去咗做心臟壓力測試、心電圖同超聲波,啲報告都話佢完全冇問題。

日前,東姑喺天后巧遇佢同屋企人飲茶,都好精神吓。嗰日大約一點幾,鄭太先同屋企人到達,遲大到嘅鄭敬基,就拎住一大篋嘢行入酒樓左望望右(目及)(目及),可能佢眼力唔係幾好,戴埋眼鏡,搵咗成五分鐘都搵唔到老婆嘅蹤迹,最後都要打電話畀老婆問佢喺邊?睇嚟,鄭敬基搞掂個心之後,都係時候驗驗對眼嘞。

遲大到嘅鄭敬基行埋枱,見到啲親戚已經幫佢洗晒碗筷,即刻勁尷尬。

 

左望望右(目及)(目及)都搵唔到老婆仔,鄭敬基惟有打電話問佢喺邊?

 

鄭敬基攞住咁大個篋嚟飲茶,睇嚟佢之前啱啱去開工。

全站熱搜

tvb4life 發表在 痞客邦 留言(0) 人氣()