吳孟達執番個尾彩

贊助商連結

「六嬸,三太公,大眾開枱啦,面似蓮蓉,又放工,打餐懵,圍埋砌幾圈,論呀論英雄。」歌神許冠傑嘅經典金曲〈打雀英雄傳〉,大家應該都耳熟能詳。呢隻歌係歌神同黎彼得合作嘅作品,能夠填到啲咁啜核嘅歌詞,一定喺賭界打滾過。而黎彼得除咗係填詞人之外,仲係一位演員,早期嘅作品大部份都係同吳孟達合作,例如電影《狀元蘇乞兒》。日前,東姑喺沙田馬場,就見到呢對搞笑孖寶。

當晚賽事喺跑馬地進行,不過吳孟達、黎彼得同一班好友,就費事同人迫,揀咗只係睇熒光幕嘅沙田馬場。呢度即使見唔到真馬,但係佢哋嘅投入程度,絕對係全場焦點。一到埗,黎彼得先巡視四周圍環境,揀個靚方位;而吳孟達就戴住副老花鏡猛刨馬經,做足功課先落注。

一圍枱,五個大男人,不時鑽研心水,頭嗰九場吳孟達個樣有啲愁,應該就冇乜斬獲。到咗最後一場,東姑聽到黎彼得同吳孟達重注三千蚊,終於畀佢哋扑中咗;不過,吳孟達都只係面露一刻笑容。東姑(目及)到佢哋成枱輸咗嘅飛,最少一注都買成五百蚊,玩得咁大,睇嚟執番個尾彩都幫補唔到。

頭嗰九場,吳孟達一路Keep住個樣愁,應該就冇乜斬獲。

 

輸咗馬之後,吳孟達就揸住張飛同黎彼得研究一下,然後又再耷低頭刨馬經,希望下場贏番晒。

 

賭輸咗幾場之後,吳孟達行開鬆一鬆,再去埋廁所,期間撞到朋友,於是兩人又一齊研究下心水馬。

 

到咗最後一場,東姑聽到黎彼得同吳孟達重注三千蚊,終於畀佢哋扑中咗;不過,吳孟達都只係面露一刻笑容。

全站熱搜

tvb4life 發表在 痞客邦 留言(0) 人氣()