已經 9歲嘅 Lucas,愈大愈明星臉,大個咗可能比老豆更靚仔。
同你吟一吟
栢芝 何雁詩 郭秀雲 老中青都 like嘉年華
贊助商連結
放假去邊好?瘟仔,梗係要去啲熱辣辣嘅地方,馬爾代夫首選,陽光海灘加三點式,㷫烚烚!
屋企有老有嫩,嫌出埠大工程?留港亦有選擇,張栢芝就帶咗兩個仔 Lucas、 Quintus去咗中環歐陸嘉年華,天光玩到天黑。
嘉年華可以年年搞,仲經常將收檔日子延期又延期,一定有魔力!除咗啱細路, 24歲仲係後生女嘅何雁詩,熟女就有 47歲郭秀雲,一樣喺嘉年華放低唔少銀両!
見到鏡頭, Quintus舉起手仔打招呼,好 Q!
小朋友同大人都愛嘅氣墊滑梯,兩兄弟玩完一次又一次。
6歲 Quintus唔夠高,玩掟波要成個人坐上櫃枱。
天光玩到天黑,收穫豐富,其間栢芝仲去小食攤位買燒賣俾兩個仔食。
睇吓 Lucas(箭嘴)幾好腳法!
24歲嘅何雁詩玩攤位遊戲,表現十足大細路。
郭秀雲捉埋龐景峰去嘉年華,又同囝囝喺現場 selfie,好投入。
撰文︰八珍