黃伊汶呆等撐老公

贊助商連結

陳國坤(小龍)同老婆黃伊汶嘅囝囝陳真,o依家九個月大精靈活潑。佢兩公婆久唔久就喺社交網貼全家福出嚟,囝囝仲畀人猛讚,小小年紀生得鬼咁靚仔。除咗擁有靚太靚B之外,小龍呢排事業亦更上一層樓,「升呢」喺超級網劇《反黑》做埋監製添!難得,老婆黃伊汶認真唔話得,不單止在家仆心仆命湊仔,在外一樣鼎力支持老公嘅事業。

早排,東姑就喺九龍塘見到佢兩公婆齊齊為《反黑》開工,老公做監製喺現場指揮若定,指示過半百穿黑衫嘅工作人員拍攝,可憐客串演出嘅老婆,猛喺度等埋位。東姑現場目擊,雖然黃伊汶罰企挨埋牆邊等到發晒呆,不過一啲都冇怨言,此等賢內助,小龍認真冇娶錯!

黃伊汶撐老公陳國坤監製嘅網劇,幫手客串,就算呆企等埋位都冇計較,認真難得。

 

兩公婆嘅愛情結晶品陳真,小小年紀已經畀人大讚靚仔。

 

陳國坤同黃伊汶夫妻檔演出,呢幕兩女一男喺街頭講數嘅戲,兩公婆拍攝過程寧舍有默契。

 

呢套超級網劇《反黑》,由陳國坤做監製,佢仲搵埋陳小春幫拖。

全站熱搜

tvb4life 發表在 痞客邦 留言(0) 人氣()