溫碧霞同老公囝囝峇里歡度聖誕
贊助商連結
溫碧霞（Irene）與老公Kenneth及囝囝Xavier，聯同家人及朋友正大夥兒在峇里島度聖誕，並越洋祝大家聖誕快樂！開心迎接新一年2017！
Irene心情靚極說：「平安夜同聖誕節我哋過得好開心，有我好鍾意嘅大海同陽光，雖然呢度冇落雪嘅白色聖誕，但我都寧願㨂充滿熱情嘅峇里島，喺海邊踩單車實在太舒服啦。我哋仲參加咗好多聖誕派對，收到又送咗好像聖誕禮物，玩到好開心，所有小朋友同大人，每人都送了一份聖誕禮物，我都收咗超過40份禮物。」
聖物禮物都是在香港帶去峇里島？Irene說：「一部分喺香港帶過去，有啲喺當地買，小朋友都是送文具、顏色筆及畫簿、Lego，大人就送香水、香薰、銀包，單是帶來送畀大家的聖誕禮物，都佔了一個大喼。」
Irene對每個節日都很重視，平時幾辛苦工作都沒所謂，最緊要每逢節日都能陪伴家人度假就是最開心幸福和滿足的事。
溫碧霞與老公Kenneth及囝囝Xavier在峇里島度聖誕。
Irene鍾意大海同陽光，所以選擇充滿熱情嘅峇里島過聖誕。
全站熱搜
留言列表
