林敬剛神秘入票

贊助商連結

警察少年訓練學校出身嘅林敬剛(King Kong),個樣夠晒霸氣,不過就成日飾演壞人、黑社會成員、收數佬等。呢位綠葉演員唔講唔覺,原來已經入行廿一年,拍過嘅電視劇不計其數,包括喺《鐵馬尋橋》做壞人胡師傅、《巨輪》做龍頭大佬豹哥、《秀才愛上兵》飾演殺人犯,可惜咁多個角色都好似冇乜發揮。好彩,King Kong瓣數多多,曾經做過副導演嘅佢,現時既做幕前又兼職幕後,幫自己搵定後路。

早前,東姑喺尖沙咀金馬倫道見到摩打腳嘅King Kong,佢左穿右插,見人過人。當時大約係下午嘅四點幾,街上好多人,東姑喺佢後面急步而行,都差啲跟唔到。原來,佢係趕住去銀行用自動支票機入票;而入票之前,佢就神神秘秘咁左望右望,睇下四周圍有冇人跟住佢,好似好驚有人偷佢張支票咁款。其實,佢霸氣十足兼咁鬼大隻,啲賊見到佢都退避三舍嘞。

林敬剛行得鬼死咁快,東姑喺佢後面跟得好辛苦,最後發現佢原來只係去入支票。

 

 

 

入支票嗰陣,林敬剛左望望右望望,驚死有人偷佢張支票咁款。

tvb4life 發表在 痞客邦 留言(0) 人氣()