陳雅倫香艷閨房曝光

贊助商連結

喺八五年參加無綫「第四屆新秀歌唱大賽」入行嘅陳雅倫,最經典就係九四年,佢同王敏德合作拍嗰套電影《危情》。當年,雖然喺票房上,輸咗畀李麗珍主演嘅《蜜桃成熟時》,但東姑對於佢嘅第一次全裸印象好深刻。同年,陳雅倫仲發行咗兩張唱片,分別係《貪多個夜晚》及《 只喜歡一個人》,大家可能已經唔記得佢係識唱歌o架。同時亦遺忘佢原來已踏入半百之齡,皆因佢現時鮮有喺幕前演出,但係身形同皮膚都仲keep得好好,話畀人知,佢三十幾歲都有人信。

靚女就自然多戀情,李思捷同太陽娛樂嘅老闆周焯華,都曾經同佢傳緋聞。據悉,佢o依家擔任北京一間娛樂公司嘅CEO,生活當然富貴,經常周身名牌。半年前,佢仲住緊北京朝陽區嘅一千五百呎豪宅,最近又換咗新屋。今次佢嘅安樂窩,以粉色為主題,再配上cute爆嘅動物餐椅,以及牆上嘅靚畫作裝飾,優雅中不失少女味;而最吸睛嘅當然係嗰張香艷嘅king size睡牀,令男士無限遐想。

搞到東姑都想裝修下間屋,學下陳雅倫買啲咁吸睛嘅傢俬。其實,喺淘寶都搵到大部份疑似嘅傢俬,大家想學陳雅倫整靚間香閨,可以上網尋下寶。

 

 

陳雅倫喺北京人面廣,所識嘅唔係官二代,就係有米律師,咁多好選擇,難怪遲遲都未揀定。

 

近年喺內地發展嘅陳雅倫,有一半時間住喺北京,所以當地嘅香閨一定要夠大夠舒適。

 

陳雅倫嘅king size睡牀,配襯淺紫色牀單及被鋪,好香艷喎。

全站熱搜

tvb4life 發表在 痞客邦 留言(0) 人氣()