一輩子心情 車婉婉

贊助商連結

無論是說到興高采烈,還是談及憂傷之處,訪問時陀B五個月的車婉婉,總是不自覺地輕撫着肚皮——大概這是訪問孕婦時才會經常看到的舉動,多少也反映着母親保護孩子的本能。

畢竟這是她初次的體驗,心情難免五味紛陳,既會掛心腹中胎兒的健康情況,「我唔知o依家我陀得算唔算好,有好多嘢我都係unknown,我只係成日要自己食多啲飯、生果同有維他命嘅嘢,希望會令到佢健康啲。」又會因為感受到他/ 她在肚內一天一天的成形而興奮莫名。「呢兩個禮拜,個肚『澎』一聲大咗好多,feel到佢長大緊,知道有個生命喺裏面,呢種感覺好奇妙!」然後,自不然會想到小朋友的將來,「小朋友出咗世之後,其實父母有更多嘢控制唔到,但冇可能每一步都(目及)到佢實o架嘛!」

養兒一百歲,長憂九十九,做媽咪的,應該更是長憂九十九年零十個月。

「我o依家真係完全明白到,點解生小朋友,係女性一件咁偉大嘅事,因為呢條路真係好漫長,係一輩子嘅事……」

說着說着,她忽然愣了愣,睜大眼睛說:「佢啱啱踢我喎!」繼而對着肚皮流露出溫柔幸福的笑容。

 

 

唔係啩

車婉婉說,隨着自己年紀踏入四字頭,她跟中澳混血老公Johnathan Quinlan對生兒育女,本來早已沒期望。「有位婦科醫生畀咗好多資料我哋睇,我高齡,懷孕率幾乎係谷底,而且有咗嘅話,孕婦嘅問題亦都會比較多,聽完好難唔驚囉!」

然後,一切有如設定般,要不是六、七月,她因為屙嘔要住院吊鹽水,她便不會戒酒戒咖啡。「住咗兩日院之後,我覺得病到傷咗元氣。我以前每日會飲兩、三杯咖啡,得閒會同朋友飲吓酒,但嗰個月,我飲一杯咖啡,個胃已經頂住;見到人哋飲白酒、紅酒,我會覺得好酸,就係咁,兩樣嘢我都戒咗。有個中醫朋友提議我整雞汁、羊肉湯、燉生果呢啲嘢飲,調理番個身子,成個月我都變咗超級健康豬豬。」

直至有天,她得家中細心的姐姐提醒,才記起已有一段時間沒有來經。「我以為自己因為太虛弱先冇嚟,同個朋友講,佢緊張到買咗兩支驗孕棒畀我驗。」結果,第一支,呈現了兩條線。「我影相畀我個friend睇,佢話:『你有咗呀!』唔係啩?咁驚?」再用另一支電子的驗。「支嘢啲燈係咁眨,我個心就係咁跳,最後打咗個字出嚟:『pregnant』仲有埋周數!」

BB在十一月中開始踢婉婉的肚,她形容感覺如腸內有一陣波浪。「佢第一次踢,我叫我老公摸,佢好愕然咁話:『moving呀!』」

 

一三年十二月,婉婉與拍拖三年的Johnathan在泰國布吉拉埋天窗,其時好友鄭秀文、許志安和孫耀威,皆有到場觀禮。

文章標籤

全站熱搜

tvb4life 發表在 痞客邦 留言(0) 人氣()