郭文貴的豪華遊艇停泊在法國南部,名叫 Lady May,現正放售,叫價三千一百萬歐羅;船身有一百五十呎長,有五間單人艙、一間主人艙及三間雙人客艙。

中環人語

令計劃金手指英倫逍遙

贊助商連結

內地地產富豪郭文貴,早前被揭發在南灣豪宅瘋狂僭建,消息曝光後,與他交過手的生意拍檔皆四出打聽誰是「金手指」,也難說,郭氏在國內對頭人多,人稱他為「令計劃」的金手指,今年捲入一宗謀殺日本人風波,返唔到大陸。

然而他人在英國依然逍遙,透過鄧永鏘在彼邦認識不少權貴,數年前更一口氣買入前英國首相貝理雅老婆 Cherie Blair的自傳共五千本,聲稱讓其員工閱讀;而他泊在法國南部的遊艇「 Lady May」就是用來招呼權貴,所以話英國係俄羅斯、中國落難富豪的天堂。










郭文貴英文名叫 Miles Kwok,是內地政、商界敏感人物,據知他與鄧永鏘友好,是他在英國的「盲公竹」。


英國前首相貝理雅老婆 Cherie Blair的自傳出版時,郭文貴一口氣購入五千本。 發叔波浪閘化煞

位於屯門黃金泳灘附近「天祐居」,係「新界王」劉皇發家人聚居之處,最搶眼是門口道火辣辣太陽大閘,不過近排換上另一款設計,是「水波浪紋」閘,聽講「太陽閘」有化解陰氣之用,而水波浪紋則可以把門外煞氣經波浪而減弱,發叔臥病在床已久未露面,望化走煞氣後早日康復。







新閘是波浪紋設計,旁邊有「地主公」看守着。


劉皇發家族聚居於屯門「天祐居」,門口大閘以往是金黃色太陽設計。 中環寸嘴 小學雞學習精神

吖,睇電視呢個梁振英上京見習近平,揸住支筆喺本拍紙簿度寫吓寫吓,頭耷耷充滿小學雞學習精神,呢個咩時代?又話要科技創新,仲喺度抄抄寫寫速記,練 shorthand,咁就真係副學士都要加插 Pitman shorthand呢個課程(註: Isaac Pitman是速記創立者)。
假期到,五湖四海老友返港過節,同個基金阿妹食餐晏吹吓水,佢幫大客搵到錢,大客成日醒啲靚酒佢飲,希望再攞多啲堅料;我帶咗支 1992 Romanée Conti白蘭地,個基金阿妹見到眼都大埋,有時飲酒志在搞搞氣氛啫,呢十幾年大陸佬炒高晒啲酒價,依家先叫做調整緊價錢,我個倉都幾乎飲乾飲淨,未得閒入貨,我要釜底抽薪先抽到呢支酒出嚟,其實支酒係個莊主用 Burgundy提子釀成白蘭地,攞嚟玩嘅啫,所以個樽用 Burgundy酒樽同招紙,冇特別分條 line出來,以後冇絕版嚟㗎,嗰時買都係路易十三嘅半價,一於充砲艇,反正商場都係鬥拋啫!等基金阿妹知道我唔係唔識貨,對酒嘅知識係博學精深嘅,不過茅台就考起我啦。
有時啲冷門嘢喺香港都唔係咁容易搵到,基金阿妹話想下廚整 Osso Bucco(燉小牛膝)喺除夕夜大宴友好,喺香港都搵唔到嚟買,呢啲嘢問我啦,食完小便飯即刻同佢去跑馬地 Feather& Bone,佢都有運行,咁冷門貨色都有!開心得佢吖!
正所謂,呢個世界食幾多著幾多,整定嘅!




釜底抽薪先抽到呢支酒嚟搞搞新意思。


有時冷門貨,如 Osso Bucco,有錢都買唔到,講彩數。 


唔好以為我淨係識去富豪飯堂食呀,買餸門路我都知,所以啲材料靚唔靚,呃唔到我呀!

楊國佳
工廈大王楊耀松長子,八十年代往北美洲開山劈石,做一帶一路先頭部隊,自比為星仔變星爺前
冇人懂欣賞其無厘頭文化,廿年後終於領略當中奧妙,與粉絲分享在北美洲各路人士交手經歷,絕不老點。

特首府凌駕禮賓府

首任特首董建華寧願留守嘉慧園也不肯搬入,前稱「港督府」現稱「禮賓府」作官邸,故嘉慧園早有「特首府」稱號,近排見鬍鬚曾及林鄭皆前後腳往嘉慧園拜會老董,屋苑嘅業主更感到飄飄然;話時話香港唔少名人都曾在「特首府」住過,李國寶、吳光正、潘迪生、夏佳理、黃志祥等;「唔怕生壞命,最怕改壞名」,「禮賓府」有名你叫,極其量用以招呼客人地方:「特首府」似乎凌駕禮賓府。




前特首董建華改變遊戲規則,以嘉慧園作官邸,故又稱為「特首府」。


不少商界名人都曾是嘉慧園住客,左起:吳光正、夏佳理、潘迪生、李國寶、黃志祥

文章標籤

tvb4life 發表在 痞客邦 留言(0) 人氣()