同你吟一吟
甄子丹快買趕交人
贊助商連結
早排為咗宣傳《俠盜一號:星球大戰外傳》,宇宙甄子丹要環迴多個地方飛來飛去,新作票房口碑都唔錯,撲餐死,抵番晒!
忙完一輪,終於可以有個 break搞自己嘢。上星期日(十二月十八日),宇宙自己一個走咗去金鐘太古廣場行街買衫,喺 Dolce& Gabbana係咁意望吓摸吓,就有收穫。
買衫扮靚唔使老婆汪詩詩陪,不過,夠鐘就要交人,所以甄子丹行到六點幾,就急急腳去停車場攞車,趕返屋企。
係咁意望吓,已經兩袋走。
等店員搞埋啲手尾期間,甄子丹不停篤電話,唔通係向老婆報告行踪?
有份演出嘅荷李活電影《俠盜一號:星球大戰外傳》反應好,不枉甄子丹飛來飛去做宣傳。
撰文︰八珍