2016 葉劉唇上的兩粒癦,明顯已脫掉,但仍留有淡淡的疤痕,據楊天命師傅說:脫癦切忌留有疤痕。

中環人語

葉劉、林鄭脫癦有運行

贊助商連結

兩位「潛在」女特首林鄭和葉劉都好注重形象,打扮衣著都較以前時髦,無獨有偶二人努力改善形象之方法都係脫癦,繼林鄭脫掉右眉上一粒癦後,原來葉劉都脫咗兩粒在唇附近的癦。




2003

據玄學家周漢明師傅說:「唇上的癦術數名稱叫『食倉仙庫』,會影響佢講嘢,即是容易講錯嘢得罪人,人中管五十一歲打後運程,咁呢個年紀,做官講嘢好緊要,脫咗自然對運情有好處。」而楊天命師傅又補充,葉劉嘅「食倉仙庫」容易講錯說話惹是非爭拗,會成日被人黐飲黐食,被人屈請食飯,腸胃亦都唔好,腸容易生瘜肉,怪不得葉劉要脫癦,如果唔係早前又點同大家騷 quali,把佢條大腸「內窺鏡檢查」照片上載上 facebook公諸同好。

郭老太至愛

中環四季酒店 coffee shop,有款意大利脆餅( Biscotti)是新地郭老太至愛,特別之處是有清香橙皮夾雜在其中,柯打杯咖啡時都送塊俾客仔歎,熟客索性叫呢款做「郭老太至愛 Biscotti」。







本週閒人


本週一中午十二時半,任總同老婆歎完早餐離開深水灣高爾夫球會,手上拎住袋 Godiva朱古力,夠晒 sweet。

已退休嘅任總,閒時去深水灣高爾夫球會 hea吓,睇吓《金融時報》,其實喺球會食個早餐都係幾廿蚊,吸吓新鮮空氣,免費睇埋份三十蚊嘅《金融時報》,乜都抵番晒。

中環寸嘴 日日執幾億…… Yen


你睇成個蛋糕幾堅挺,有埋事業線,都係街坊價$5.5。

呢排日圓跌,有條伯父打電話嚟同我講,話睇咗我早兩個禮拜欄目「一雞三味冇得輸」( 1395期)講 carry trade,借錢去 short Yen再 long高息 product,就照跟去做,家陣日日執幾億…… Yen,話要開定茶等我。超,偷完我啲橋仲想索多浸料,我真係睬你有味!有好多富豪飯局我都唔得閒去,頂唔蒲,酒雖然靚,但係啲人好似冇乜幾何要豪飲,都不是 my cup of tea!哈,睇攤路你估咁易,今年中個 Yen係咁升,成個市場扭曲,負利率揸 Yen bond係 make sense嘅,但加息勢頭,揸 Yen bond冇意思,我睇家陣喺啲國家級機器係咁掟日債,個盤大到不得了,唔係你啲乜乜投行頂得住,啲日圓好難睇。
搵到錢梗係食啲有質素嘅嘢,雖然我哋大丈夫「富貴不能淫,貧賤不能移……威武不能屈」,唔係星爺講金句「淫賤不能移」呀,嗱,灣仔波士頓餐廳嘅紙包蛋糕,夠蛋味,分量足,又夠濕潤,最緊要成件蛋糕夠長身又堅挺,保持到幾廿年前紙包蛋糕嘅原汁原味,都係賣街坊價$5.5一件咋,要抗其他茶餐廳通縮(分量縮水),嗱!申報利益,波士頓餐廳個太子爺,係我母校花名「德德哋」(註:聖貞德中學)個師弟。



楊國佳
工廈大王楊耀松長子,八十年代往北美洲開山劈石,做一帶一路先頭部隊,自比為星仔變星爺前冇人懂欣賞其無厘頭文化,廿年後終於領略當中奧妙,與粉絲分享在北美洲各路人士交手經歷,絕不老點。

誠哥撼唔贏坡佬

誠哥嘅長實地產喺香港推銷新加坡 Stars of Kovan商場地鋪,隔山買鋪到底筍唔筍?講地點,呢個商場距離 Kovan地鐵站兩分鐘路程,地盤正在動工,只不過附近的 Upper Serangoon路有好多政府 HDB( Housing Development Board)嘅「組屋」,新加坡政府對組屋邨內嘅地鋪及街市係有 rental protection租金補貼,保障個鋪頭租客,等住組屋嘅平民買嘢都冇咁貴;政府唔單止唔會隨便趕個租客走,而且每年租金加幅有上限( ceiling),所以香港投資者千祈咪將領展( 823)嗰套「業主大晒」嘅霸氣照搬去新加坡買鋪收租;誠哥個 Stars of Kovan毗鄰如此多政府補貼嘅鋪位,你啲私人樓地鋪租金又點叫得起?







長實地產旗下的 Stars of Kovan正動工打地基。


組屋附近商鋪,有政府租金補貼,物價較其他商場平。

全站熱搜

tvb4life 發表在 痞客邦 留言(0) 人氣()