無綫明年50周年 邀馬浚偉回巢拍重頭劇

贊助商連結

明年無綫踏入五十周年,金禧生日當然想搞大佢!據知無綫正籌拍兩套重頭劇,作為賀壽之作。除有《溏心風暴》續集外,還有古裝經典劇《宮心計》系列新一輯《深宮計》。製作部總監梅小青更搵來合作無間的馬浚偉重返娘家孭飛,飾演唐朝皇帝。劇知馬仔今次接拍價錢拍得住內地劇重酬,而且今次製作會接近電影製作模式,全用實景,三十六集劇更會拍足半年,絕對是無綫近年重本之作!

 《宮心計》是二OO九年播出的台慶劇,收視口碑同樣有好成績,不但令到四位主角陳豪、鄭嘉穎、佘詩曼和楊怡爆紅,連其他配角亦被受注意,結局更一度高達五十點收視,難怪無綫賀金禧台慶也要開拍該劇的新一輯。

就消息聯絡小青姐,她直認不諱,「係搵咗馬仔返嚟幫手,我哋打算開《宮心計》嘅升級版,係一個全新故仔叫《深宮計》,同樣描寫唐朝,全劇有三生三旦,馬仔係其中一個男主角,佢會飾演皇帝。(係咪高價邀約?)一樣係升級價啦!佢現在喺內地有一定巿場,個劇又要拍足半年咁耐。」小青姐又解釋跟馬仔特別有緣,大家特別信任對方。

無綫快將五十周年,正籌拍兩套重頭劇,作為賀壽之作,其中一套更是二OO九的《宮心計》的升級版。

 

製作部總監梅小青搵來馬浚偉回巢孭飛,飾演皇帝,另有兩生三旦擔任主角。

 

小青姐坦言馬仔在內地有一定巿場,所以要以升級價搵他接拍《深宮計》。

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()