十二年冇拍戲,樂基兒最近「復出」同 Stephy、周秀娜合拍新戲《女人復仇記》,要屈居兩女之下做「小四」。

娛樂偵訊

屈於 Stephy娜姐之下 樂基兒露罅搶 fo

贊助商連結

離婚後,樂基兒自我流亡到峇里三年,直至去年,才為了做有機食品生意的新歡 Ian回歸香港。冇咗「天王嫂」光環, Gaile自由接 job,唔使再被黎明操控,但身價大不如前,最近同 Stephy、周秀娜合拍新戲《女人復仇記》,片酬有數講之餘, Gaile仲附贈股罅,賣大包!

大打出手

三個女人唔一定會變成個墟!齊腳在中環九號碼頭拍煞科戲, Gaile、娜姐同 Stephy各有各,甚少交流。 Gaile拎住部電話搏命篤,露出半條股罅,成功搶 fo!
在戲中飾演女飛虎的 Gaile,要屈居「正印」 Stephy同「小三」娜姐之下做「小四」。三女爭一男,經常大打出手。拍「打戲」前,三女均要接受動作訓練,務求唔打得都睇得。
「 Gaile返咗香港咁耐,都有喺出面放晒風話出返嚟接 job,不過又唔係有好多嘢搵上門,所以佢接呢套戲價錢好低,戲份又少過 Stephy,佢都冇所謂。」劇組人員說。




唔使埋位, Gaile企埋一邊狂扯煙。


Gaile掛住篤電話,漏出大大條股罅,任睇!


拎住兩把刀仔脅持對手的 Gaile,埋位時不停食螺絲。 不在狀態

現場所見,著住速遞員制服埋位的 Gaile,攞住兩把刀仔,同男主角做對手戲。十二年冇拍戲, Gaile完全不在狀態,不停食螺絲,狂 NG。
Stephy同娜姐見等極都未到自己埋位,惟有撩工作人員傾偈,玩吓 selfie,十分無聊。
同 Stephy、娜姐唔熟的 Gaile,唔使埋位就坐埋一邊不停煲煙,完全不合群;發現記者後,更加面燶燶,專登背住鏡頭坐,但著住低腰褲嘅她,一彎低身即刻露出半條股罅。
屁股涼浸浸,不過鬼妹仔 Gaile一於少理,繼續低頭篤電話,大方任睇!




Gaile狂 NG,搞到 Stephy同娜姐成晚呆等。


新戲煞科後, Gaile同男友馬上飛去峇里放電。


同新歡 Ian拍拖半年,已展開同居生活。


冇咗「天王嫂」光環, Gaile身價大不如前,自動搵上門的工作亦唔多。

撰文、攝影、攝錄:娛樂組

 

文章標籤

tvb4life 發表在 痞客邦 留言(0) 人氣()