番禺好多成名後的歌手都唔願走埠登台,怕危險又驚降呢,但事實證明唔係囉!

娛樂偵訊

靠跑場維生 趙學而刮清積蓄出碟

Ads by Google

「每隔兩秒我都想起你……」 80後一定識趙學而的成名作《每隔兩秒》,儘管百聽不厭,但今日娛樂圈,實力與成就無法對等。冇同任何唱片公司簽約,過去十五年,趙學而一直靠自己積蓄,加上搏命返內地登台跑數賺人仔,先後自資出過四隻碟,每張揼本幾十萬,唔係講玩!
上週三( 25/5),學而限量一千張獨立編號黑膠碟面世當日,她同時宣布「暫時唔玩住!」

香港零收入

後生一群,可能唔知道趙學而是唱家班,九○年代中是飛圖唱片一姐的她,作品《尋開心》、《我恨我是女人》至今仍是唱 K必點。飛圖被英皇收購,趙學而做了兩年英皇人,○一年宣告解約,隨後加入無綫做了幾年電視人,但再冇簽任何唱片公司。
冇公司掣肘,趙學而樂得開心!近年雖然甚少在香港幕前蒲頭,但卻不缺錢,因為多年來在內地跑夜場,汗水換人仔。
「大陸市場真係好大,每州每省不知有幾多呢啲夜場!只要你唔驚,一定有得撈。學而有知名度,唱嘅場都唔會好雜,加上佢夠經驗,又識得搞氣氛暖場;有啲真係聽都未聽過嘅地方,都會搵上門,長做長有!」知情者說。
對於被指一場酬勞有八萬,趙學而沒有正面回應。
「商業秘密呀!其實海鮮價,會因應市場需要調整。不過唔係我想唱幾場就有幾場,有時一個月一場,有時一星期一場,甚至一日可以幾場。視乎有冇客想要你。」趙學而說。




惠州


揭陽趙學而經常返內地登台,包括比較偏遠的潮汕揭陽市。


本月 25日(上週三),趙學而推出限量僅一千張黑膠唱片,兩天後她在 ig透露唱片賣剩三百隻左右,銷情理想。


本月初,趙學而捧新秀師兄黎明場,去核心內圍欣賞對方開騷,集郵是常識。 幾十萬小數目

不停努力吸人仔,要開飯更加為了音樂。由○八年開始,趙學而先後自資出過四隻碟,每次投資,至少幾十萬起跳,亦全靠有登台頂住,她才可以花錢娛己娛人。
「我喺香港已好少工作收入。第一張唱片,係用自己積蓄做,之後嗰幾隻(唱片),係用每張(唱片)賺返嚟嘅,再加登台賺嘅錢去做。做一張唱片其實唔容易,編曲、樂手、錄音室、混音師、版權費、包裝、運輸、廣告等等,有好多地方要用錢,但我做嘅量唔大,所以幾十萬已經算係小數目,當然,絕對唔可能同唱片公司比較。」
上週三(五月二十五日),趙學而推出限量一千張獨立編號黑膠碟,滿足一班黑膠發燒友後,她表示下半年時間,以登台為主。
「暫時未有計劃再做新專輯,因為之前出嗰四張(唱片),喺高質唱片界仍有發展空間。」趙學而說。




相戀多年,趙學而與老公仍不時晒恩愛。


11年嫁則師老公 Alan成為人妻的趙學而,日前被拍得偕夫婿到尖沙咀食好西。


本月 24日(上週二)晚,學而為 ViuTV劇《瑪嘉烈與大衞系列綠豆》客串一集,在片場與主角林保怡、周家怡、廖碧兒打成一片,咁橋四人個名都有個「兒」字尾,同名三分親。


近月學而多了蒲頭,早前接拍夏雨投資兼監製新片《救殭清道夫》,拍住前輩吳耀漢、錢小豪開工,學到好多嘢!

撰文、攝影、攝錄:娛樂組

tvb4life 發表在 痞客邦 留言(0) 人氣()