娛樂偵訊

救《琅琊榜》 波比捱剪

Ads by Google

范冰冰的《武則天》好收,無綫重施故技,再揼本買入在內地反應極佳的《琅琊榜》幫補收視,點知打錯算盤。
為了搶救收視和向廣告客戶交代,大台將原本 7月接力播、歐陽震華同視后胡定欣擔正的《一屋老友記》調前,並由九點半檔換成八時半;由於兩個時段的電視尺度有異,為免收投訴,劇中部分場口,必須剪走!

開壞個頭

收視插水,但去年外購劇《武則天》卻為無綫帶來最高三十七點收視,食過翻尋味,見由內地一線小生胡歌擔正的《琅琊榜》反應火紅,大台食指大動,即買!
為顧及香港觀眾節奏,大台將劇集由五十四集濃縮到四十六集。推出首週,因為劇情以交代人物出場為主,冇乜高潮,所以平均收視只有十九點,於九點半檔計,成績極差;即使之後以劇集導讀特輯硬銷,成效仍一般。
「呢套係男人劇,唔係後宮爭寵、一班女人過招嗰隻,班 C9點會睇得過癮吖,加上頭一個禮拜啲內容悶,冇追看性,但最主要係香港人識范冰冰,但唔識胡歌!」一名無綫人說。




據指,《一屋老友記》內羅蘭扮龍婆的情節,有可能超出八點半時段的電視尺度,如果刪減,嘥料!


榮升視后,胡定欣即有機會同大台福將歐陽波比合作。


胡歌主演的《琅琊榜》在內地和其他地方都大收,但香港的大媽卻不太受落。 福將留客

收視唔達標,廣告商詐型,見落力谷宣傳都冇幫助,大台高層決定變陣,希望借八點半時段的劇集,產生協同效應。
除了八點半新劇《純熟意外》提早本星期出街外,原安排《琅》劇後、九點半檔播的《一屋老友記》,亦調前並換檔緊接《純熟意外》推出。
礙於八點半與九點半時段的電視尺度有差異,《一》劇題材涉及鬼,所以須作出修剪,但時間倉促,劇組幕後都擔心新劇會被肢解,散晒!
「套劇有波比,佢係收視福將,公司諗住有佢,又有視后胡定欣,留到觀眾,睇埋之後套《琅琊榜》,但臨時臨急要剪過,實有甩漏,出街隨時俾網友捉到錯處,到時又要捱鬧!」劇組人員說。




鄭則士同陳煒擔正的《火線下的江湖大佬》收視理想,但無助推高《琅》劇。


ViuTV以韓劇《太陽的後裔》搶灘,加上自家製的真人騷節目如《跟住矛盾去旅行》夠話題性,成功搶走大台收視。


出師不利

因為高層要變陣,令由李思捷、陳智燊主演的《爸 B有話兒》一而再,再而三押後,三度出街,都被迫讓路。
「本來係今個禮拜出街,但個時段俾咗《純熟意外》,而家話暫定擺喺《琅琊榜》之後,個劇俾人當垃圾咁掟來掟去,所以思捷都好冇癮!」一名無綫人說。




《琅》劇主角冇時間做宣傳,大台靠班三、四線藝員幫手,谷唔起!


重新布陣,人在外地的吳啟華亦被急召返港,與蔡思貝、李施嬅為新劇《純熟意外》造勢。


范冰冰被「封胸」的《武則天》依然反應好,大台重施故技,用外購劇救收視。


李思捷同陳智燊的《爸 B有話兒》被三度改期,出師不利。

撰文、攝影、攝錄:娛樂組

 

tvb4life 發表在 痞客邦 留言(0) 人氣()