探熱針

家中暈倒 消防破門救 李珊珊戒酒保命

Ads by Google

被指為史上最好身材的 96年港姐冠軍李珊珊, 05年逐步退出娛樂圈,並絕跡公眾場合,感情和生活都極之神秘的她,最近傳出患腦癌並轉性向,當事人一概否認。但據了解,深居簡出的李珊珊腦內有個良性瘤,要經常出入醫院,去年十二月,更因頭痛引致胃抽筋暈倒在家,要消防破門入屋救人。
命仔緊要!有指李珊珊為全力同腦瘤對抗,食藥、運動、戒酒,三線進行。

良性腦瘤

大台重播《寵物情緣》,令近乎消失的李珊珊再現幕前,但同時被爆患腦癌。
據知,李珊珊的身體在四年前開始出現問題,除了濕疹皮膚病,還經常會頭痛,有時更會影響到個胃都痛埋一份,甚至出現胃抽筋。當時,醫生指她腦部有個瘤,幸好是良性,不是腦癌。
「濕疹對珊珊嚟講已經係個折磨,類固醇食得多,搞到佢肥腫難分,跟住仲發現腦有瘤,真係好大打擊!因為成日頭痛,仲影響埋個胃,周身病,個人情緒開始出問題,有抑鬱。舊年十二月初,佢胃抽筋,喺屋企 call白車,但救護車嚟到佢已經喺屋企暈咗,搞到要消防破門入屋救佢。」知情者透露。




3/12/2016這天下午,李珊珊在家中胃抽筋,救護車去到她家的時候已暈倒在內,最後要消防隊破門入屋拯救。


出入醫院打卡因為病情反覆,李珊珊試過幾次因太頭痛入院治療,每次她也會拍下進出醫院的照片,上載微博。


養和打止痛針腦瘤令珊珊長期頭痛及發燒,有時候如果太痛,珊珊頂唔順會去養和打止痛針。


手寫我心每次身體狀況起變化,珊珊都會在微博寫下當下心情,以文字分散注意力。


李珊珊因為長期服用類固醇、抗生素等藥物,令到她肥腫難分。 瑪麗轉養和

消防入屋後,救護車送了李珊珊到瑪麗醫院。
「去到瑪麗醫院,珊珊已經有番知覺,仲叫咗人嚟睇佢,安排佢轉過去養和醫院,因為佢啲病歷喺晒嗰邊;喺養和住咗一晚後就出得院,嗰段時間係佢近呢年身體最差嘅時候。之後幾個月,珊珊都係食流質食物,本來今年三月買咗 VIP飛參加《 Taste of Hong Kong》(美食節),最後因為唔多舒服冇去。」




中秋放近照甚少將近照放上網的珊珊,去年中秋節,珊珊罕有上載與愛犬玩燈籠照片。


戀上文字自從患病後,珊珊愛上寫文字,偶爾會到銅鑼灣書局買書閱讀,亦會在那裡打書釘。


深宵重播每次身體狀況起變化,珊珊都會在微博寫下當下心情,以文字分散注意力。


抑鬱症好番

據了解,李珊珊因為願意面對,反而令她的病情有進展。「呢四年幾搞到有抑鬱,係因為佢接受唔到,但近一年佢肯去面對,會聽醫生講,腦瘤唔係絕症,定期食藥又做帶氧運動,又將以前啲唔好嘅習慣例如飲酒,全部戒晒,身體都冇以前咁弱。
「開始嗰陣,啲痛症令佢好辛苦,頂唔順就去養和醫院打止痛針,又經常發燒,身體抵抗力好差,個人冇晒意志,好彩近年諗通咗,而家佢好積極,一步一步向前行。」知情者透露。




只能吃流質食物去年十二月在家中暈倒後,李珊珊出院回家 keep住要食流質食物,每次只吃一小碗,維持了近一個月。








微博寫心情

絕跡娛樂圈,但李珊珊卻活躍於微博,差不多每日都會更新網誌,分享心情或為社會事發聲。
「佢成日都喺屋企,唔會出街,咁嘅狀況維持咗超過兩年。珊珊個社交圈子本來好廣,加上佢又鍾意睇波、睇賽車、飲酒,所以身邊朋友男比女多;但呢幾年收埋晒自己,就算朋友叫食飯、睇波,就連好朋友生日,佢都唔出去。
「除咗瞓覺,珊珊就係上網,佢呢幾年愛上寫嘢,無論係自己心情,或者社會嘅事都會寫,有時仲會同網民開火,好激進。」




樂觀面對病情


最近回應早前有讀者向傳媒報料,指李珊珊生腦瘤,她特別在微博作出回應,否認自己患腦癌,順便公開她已有愛的人。


戒酒抗腦瘤一向愛喝酒的李珊珊,為了抗腦瘤而戒酒,有時忍不住會偷喝一點,為自己打打氣。


病後斷六親

自從身體變差後,李珊珊已甚少返去荃灣老家,探老豆和外婆。「珊珊好錫阿婆,以前定時定候返荃灣探老人家,親戚活動都會出現,不過呢幾年身體唔好,佢都好少返屋企,過年、大時大節有聚會,都係得佢老豆出現做代表;不過啲親戚都好少問有關珊珊嘅嘢,好似斷晒來往咁。」知情者透露。




外賣軟雪糕就算想食軟雪糕,李珊珊都不外出,寧願搵人為她買外賣回家享用。


李珊珊去年訂了龍蝦沙律慶祝聖誕,可惜因身體狀況有問題而令她只能看不能吃。


突然取消今年三月舉行的《 Taste of Hong Kong》,李珊珊早已在網上訂了兩張 VIP門票,可惜最後因天氣及身體狀況不好而放棄入場。

 




神秘愛人李珊珊公開已有愛的人,而她生日時亦曾公開多謝一位神秘人。

撰文、攝影、攝錄:娛樂組

 

tvb4life 發表在 痞客邦 留言(0) 人氣()