李思捷舊愛被鬼上身

雖然農曆七月仲有一段時間先到,但大家唔好以為鬼門關未開,就唔驚時運低撞鬼喇!咁諗,就真係超錯!早前,李思捷舊愛馮鎵瀠(Naomi)同模特兒邱美薇跟玄學家吳佩孚,去到城門水塘探靈,拍攝《東周網》嘅靈異特輯;期間,吳師傅就提議以兩個女仔嘅肉身做媒介,嘗試同靈界朋友溝通。

Ads by Google

當晚疑似被鬼上身嘅Naomi,事後就喊爆咁話:「師傅幫我作法時,我覺得個人好凍、好凍,凍到好似結咗冰咁,之後就有一股寒流喺背脊嗰度,之後就話個靈異朋友已經上咗我身。嗰刻,我好似打咗麻醉針咁,成個人暈咗,我開始感覺到個靈異朋友嘅嘢,我真係好驚、好驚!驚到o依家都未驚完!」Naomi仲話,當晚醒番之後,成個人虛脫,口渴到飲咗一支水。

邱美薇亦表示,覺得全晚都有嘢喺佢身邊飄嚟飄去,毛管戙晒咁話:「我真係好驚!我直頭覺得有一個喺我身邊徘徊,跟住又朝着Naomi嗰邊撲過去。」

兩位妹妹講得咁恐怖,東姑當然即刻睇片求證,就見到疑似Naomi被鬼上身嘅一個鏡頭,佢個樣又真係變得鬼咁猙獰,身旁無端端有團煙飄過,都幾詭異。不過,東姑始終認為鬼神之說,信不信由你,最緊要都係平生不作虧心事,半夜敲門也不驚啦!

Naomi拍《東周網》靈異特輯時,疑似瀨嘢,翻看片段,就見到佢個樣面相猙獰,身邊仲多咗幾個影飄嚟飄去。

玄學家吳佩孚喺Naomi身上作法,以佢嘅肉身做媒介,同靈界嘅朋友溝通。

一二年,Naomi被傳媒拍到與李思捷到澳門過夜而人氣急升,之後推出過性感寫真。

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()