唔會同蚊蚊、阿田比較 陳煒做返自己本份

陳煒在新劇《火線下的江湖大佬》首次擔正做第一女主角,不過同樣由亞視轉會的萬綺雯(蚊蚊)及田蕊妮(阿田)早已嘗女一滋味,阿田更是二O一三年「視后」。煒哥接受傳媒訪問時,就坦言不會視兩人為競爭對手,做回自己本份,觀眾鍾意看自己的劇集已感滿足。

Ads by Google

亞姐出身的陳煒二O一二年轉投無綫,親自感受在兩個電視台的分別,陳煒說與亞視的幕後人員可算識於微時,感情較好,感覺融合親切;相反在無綫的心境和感情會變得不一樣:「嚟到可能覺得我係前輩,大家對我嗰種態度可能會尊敬啲,年紀又成熟咗,所以心境唔同咗。」陳煒笑言試過有藝人被她的成熟外貌嚇怕:「原來有喎!乜我咁得人驚咩?好似最近我同黃翠如拍《幕後玩家》,講我離開咗公司佢坐我嗰位,佢話一坐落我個位有啲驚驚哋。係咪我個樣有啲惡,有啲威嚴呢?」

陳煒去年在台慶劇《梟雄》飾演「姚桂生」口碑不俗,更首次有份角逐「最佳女主角」及「最受歡迎電視女角色」,最終與獎項擦身而過,但陳煒無失望:「《梟雄》係好好嘅(桂生姐)係好好嘅角色,大家都好鍾意。但始終以男人戲為主,大家覺得我演得好,已經好滿足。」煒哥直言現在未是奪視后的時候,認為演員好被動,很慶幸可以接到「桂生姐」這個角色,拍攝經歷亦十分難忘。

陳煒坦言不介意在《火線下的江湖大佬》是否第一女主角,最重要在劇中有發揮,自己表現滿意、監製滿意、觀眾鍾意已經好滿足,也不覺得昔日「亞視人」蚊蚊和阿田是競爭對手:「大家唔同類型,公司有好多唔同類型嘅劇集。唔會存在競爭,就算競爭都係良性,希望自己愈做愈好,更加多表現俾大家睇。」

近年無綫花旦不斷流失,陳煒坦言不會特別想甚麼花招突出自己,只會做本份,希望挑戰更多不同類型角色。

 

陳煒去年已與萬綺雯合作《東坡家事》,希望未來能與其他「亞視人」田蕊妮、江美儀及陳展鵬等人合作。

 

 

 

陳煒在新劇《火線下的江湖大佬》首次擔正做第一女主角。

 

同樣由亞視轉會的萬綺雯及田蕊妮早已嘗女一滋味,阿田更是二O一三年「視后」。

全站熱搜

tvb4life 發表在 痞客邦 留言(0) 人氣()