25歲何猷啟 親解筍盤Package

「富二代」Package,總是與「離地」劃上等號,不過賭王三房的孻仔何猷啟(Orlando),卻是當中的異數。

Ads by Google

還有兩星期才廿五歲的猷啟,身高六呎,談吐有禮,很有父親何鴻燊的風範。當其他富二代都愛穿名牌、揸名車、追女星;他卻最愛穿球衣,出入常搭地鐵,生活習慣夠晒「貼地」。現時單身的他,過去更常被影到與平民女子拍拖。

「揀女朋友最緊要心地好、善良、溫柔,我唔太在意係咪門當戶對,大家夾到就得。不過就盡量唔好(娛樂)圈內人,我唔係咁鍾意。」

對於被人以「鑽石筍盤」稱呼他,他一臉謙卑說:「唔係,我只係人一個,無乜特別,如果要畀分,我只畀自己7.5分。」

這個真.筍盤的Package,除了用高富帥包裝,還多了一份貼地氣的親和力。

 

賭王雖然給子女很大自由度,但也重視他們的學業,「我記得佢講過,知識係跟你一世。佢冇要求我哋一定要攞幾多分,但佢自己就做到97分都未滿意,要做到100分。」

○四年平安夜,賭王現身三太的布力徑大屋,與超雲(左)、超蓮、猷啟(右一、二)一起迎接聖誕節,三姐弟的燦爛笑容很一致。

創手機遊戲程式

賭王家族身家逾百億,何猷啟卻沒有高不可攀的公子氣燄。訪問這天,身穿T恤短褲的他獨自到場,身旁沒有助手或保鑣。

首次接受傳媒專訪的他,對答總是一句起兩句止,他亦自知性格內斂,故最近就當上東華三院總理,擴闊眼界。「媽咪(三太陳婉珍)之前係東華主席,佢一直想我哋參與多啲慈善活動。我剛剛踏足社會,都想識多啲人,學多啲嘢,加上本身性格比較內斂,希望可以擴闊生活圈子,令自己進步。」

自兩年前畢業於美國Bentley大學,取得會計及財經學士學位後,猷啟便一直替家族打理香港與海外的地產生意,及澳洲的酒店項目,另外亦正與友人合作搞手機apps。「o依家同朋友研製緊一個手機遊戲程式,目標係暑假推出。」

原來猷啟一向熱愛打遊戲機,「我細細個已經鍾意打寵物小精靈同Gameboy,總之乜game都打,唔算打得叻,但就係鍾意打。」

猷啟今年第一年擔任東華總理,(右起)母親陳婉珍、胞姐超雲與超蓮一齊現身就職典禮,為他撐場。

揭賭王冧人絕技

小時候的猷啟,跟一般小朋友無異,愛打機、睇卡通漫畫,「記得細個好鍾意龍珠,有年生日,爹哋叫人去玩具反斗城買咗好多龍珠公仔畀我,好開心。」

長大後的生日禮物,當然不再是玩具,十八歲生日那年,他就獲賭王送樓,「層樓喺邊,我都唔太清楚,因為唔會去住。」

他最難忘的生日,是十八歲那年,賭王為他與龍鳳胎家姐超蓮,在君悅酒店豪搞盛大派對。「爹哋仲請晒我喺英國讀high school班friend過嚟一齊慶祝,真係好難忘。」

在猷啟心目中,賭王是百分百慈父,且為人風趣幽默,每次一起吃飯,都愛說笑話搞氣氛。「爹哋係一個好有毅力的人,永遠唔會say no。早幾年佢跌親之後,本來行唔到,但佢都好努力去嘗試,每日不停練習,而佢已經九十幾歲,換上其他人,可能一早已經放棄咗。結果佢由完全行唔到,變到o依家可以行到好幾步,佢呢種唔服輸嘅性格,係我最欣賞嘅。」

他還大爆賭王與人相處的秘技,「佢教我哋做人要謙卑,爹哋以前有句說話:『見到每一個人都叫聲阿哥,手抱嘅都叫阿哥。』,這代表對人的尊重。」

他自稱專一,但就笑言很羨慕父親追女仔叻,「佢冇教過我點追女仔,叫我自由發揮,只係話做男仔要風趣幽默啲。」

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()