唔強求拍拖 徐子珊強調老外唔係佢杯茶

去年十月,徐子珊正式跟TVB解約恢復自由身,之後放足半年大假跟朋友吃喝玩樂,其間被拍到跟邵仲衡弟弟約會,最近又被爆與外籍男模Moni Demirov拍拖,仲話子珊跟埋新歡遠赴西班牙見家長。近日子珊跟曾志偉、黃宗澤及金剛等為新片《刑警兄弟》四出宣傳,對於搵伴一事,三十六歲徐子珊完全唔心急、唔強求,仲強調:「老外唔係我杯茶!」

Ads by Google

在新戲中,徐子珊破格飾演醜樣「小公主」,除了哨牙look夠出位外、還戴上Hello Kitty框眼鏡襯一身攞命「騎呢」衣着,加上咬字不清,行路又彈彈吓,好有傻大姐feel。而因為呢個「爆牙四眼妹」造型太爆嚇親戲中的金剛,後者狂打到女方流鼻血,好搞笑。對於扮醜,子珊覺得好好玩好有發揮:「當日高層樂易玲親自做說客,問我敢唔敢扮醜女?仲話呢個角色係好嘢嚟,夠晒發揮同挑戰性!其實拍咗戲一段時間係時候尋找新方向,否則觀眾都會嫌悶。今次我冇乜化妝,只係打咗個底妝,因為明白到作為演員係要放低外表包袱全情投入,就算再樣衰啲都冇問題。」

自言太多緋聞要暫時「斷六親」的徐子珊雖然有人追,但就無個啱:「邵仲衡弟弟係朋友,男模Moni Demirov只係喺我個珠寶品牌網站工作,我哋只係老闆跟員工嘅關係,唔會特別好感情,而且兩地文化唔同,我唔太好老外。其實身邊好多朋友都有婚姻問題,唔被嚇怕就怪啦,自己又唔係乜嘢咁特別,又唔想玩玩吓,總之經營一段感情要花好長時間去處理,都係唔好去強求喇。」

徐子珊在新戲飾演醜樣「小公主」,哨牙look加上「騎呢」衣着,令子珊有一次別開生面的破格演出。

對於因太多緋聞而暫時要「斷六親」,子珊坦言有人追求,但認為感情需要花好長時間處理,所以暫時唔強求拍拖。

早前徐子珊被爆與外籍男模Moni Demirov拍拖,其後子珊澄清跟對方只是老闆跟員工嘅關係。

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()