上月中, DaDa低調現身灣仔稅務大樓為童裝店申請商業登記。

娛樂偵訊

DaDa陳靜從良賣童裝

Ads by Google

踏入 27歲的 DaDa陳靜出道時拋胸出寫真財源滾滾來,但最近明顯收起 34E胸器,表明唔會為錢再剝!
唔聲唔聲, DaDa已低調做咗老闆娘,同家姐夾份投資 6位數開童裝店,在短時間內賺得盈利,絕對「波大有腦」,上月中, DaDa就現身灣仔稅務大樓搞商業登記,嚟緊仲會陸續開分店,打造「童裝王國」!

 


搞商業登記
DaDa近兩年少咗曝光,原來忙住搞生意,孖住家姐合資童裝生意,主要代理韓國品牌,現已開設兩間店鋪的 DaDa,早前就親自去搞商業登記手續。
上月中,一身便裝打扮,戴住口罩的 DaDa孖住家姐同兩歲姨甥女「小饅頭」現身灣仔稅務大樓四樓辦理商業登記, DaDa排隊期間全程機不離手,搞完一輪, DaDa仲同姨甥女玩咗陣先捨得走,壹仔就開公司一事向 DaDa求證,她直認不諱:「係開童裝,家姐一直搞緊!」

DaDa同家姐合資六位數開童裝店,其中一間在元朗的分店在短期內已經賺得盈利。

DaDa近兩年少咗曝光,但偶爾出席活動都會性感示人。

今年 3月, DaDa秘密為黃百鳴製造驚喜,慶祝 70大壽。

曾經在《 Z風暴》中同古天樂有不少對手戲的 DaDa,揚言猴年絕不減產,生意同娛樂事業兩者兼顧。
姨甥女做生招牌
之前 DaDa微博經常出現一名與她長相甚似的 BB女,仲曾經被傳秘密生女收埋養,後來 DaDa在微博公開小妹妹的身份是其胞姊的細女小饅頭。據知,今次 DaDa全因姨甥女才萌生做童裝生意念頭。
「 DaDa家姐有兩個小朋友,我哋成日見佢好捨得花錢買衫俾姨甥女,後來佢同我哋講好想開間童裝店搵姪女做生招牌,估唔到咁快就成功,見到 DaDa事事都親力親為,除咗自己成日落鋪頭看鋪,又飛去韓國傾代理同採購,嚟緊仲會親自設計童裝添!」 DaDa身邊好友透露。

DaDa親自去搞商業登記,當日排隊排足大半粒鐘。

「小饅頭」似足姨姨 DaDa。

等候期間, DaDa全程機不離手。

辦完手續, DaDa繼續同姨甥女玩多陣先捨得走。
開分鋪
從沒創業經驗的 DaDa,首次做老闆已經極速歸本,現準備在九龍區開設第三間分店,計劃兩年內開夠五間,創立童裝王國!由買磚頭到做生意賺細路錢, DaDa的確生財有道。

同前度王宗堯在《喜愛夜蒲》中有連場激咀場面。

今年初, DaDa曾到深井碧堤半島睇樓。

DaDa早前去菲律賓度假,繼續在網上大晒噴血泳衣相,未捨得封胸住。
有新歡
生意上軌道,事業方面 DaDa亦揚言在猴年將會積極進取,希望能收復失地,希望能兩者兼顧!至於愛情方面,去年宣布與上海男友感情無疾而終的 DaDa,原來已悄悄地展開一段新戀情,早前 DaDa出席活動透露:「現時有一名外國男士在互相了解當中,對方年紀比我小一歲,是一位在港居住的生
意人!」有生意佬男友,難怪 DaDa咁識做生意啦。

20歲入行的 DaDa,憑 34E胸器成為「百果園 E神」。

DaDa曾因電影《低俗喜劇》中爆炸糖一角奪金獎像最佳女配角。

性感創業
近年,不少女星除靠出眾身材搏上位外,更利用自己性感做生招牌創立自家品牌搵真銀。

雨僑
14年,創立自家品牌「 AVA LIU」,推出面膜、化妝用品、精華等美容產品,更租用荃灣無敵海景 office,生意愈做愈大。

周秀娜
12年,為內地內衣品牌 La Miu代言; 15年,斥資八位數字推出自家內衣品牌「 LaaNaa」,更親自上陣著上內衣褲做生招牌。

袁彌明
09年在銅鑼灣創立自家美容品牌「生活百貨」,門市愈開愈多,生意擴展到五間分店,去年更豪擲十四萬在尖沙咀地鋪開旗艦店。
撰文、攝影、攝錄:娛樂組

文章標籤

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()