娛樂偵訊

亞男做老闆娘 祖藍 2400萬買寫字樓

Ads by Google

絕種好男人王祖藍,去年 8月以 1.14億買入大埔逸瓏灣複式單位,物業更只寫老婆李亞男名下,令唔少女人非常羨慕;近日,祖藍又有新搞作,與邵氏合組的製作及經理人公司,計劃發大嚟搞,月初祖藍便扑槌以 2400萬,買入觀塘二千呎寫字樓作為工作基地,新公司由李亞男做董事,名正言順俾老婆做老闆娘。

 


搬離邵氏
去年約滿無綫後,王祖藍極速做老闆,與邵氏合作成立製作及經理人公司,除了投資製作,亦成立經理人部門,簽香港藝人開拓內地市場,連剛約滿的老婆李亞男亦收歸旗下,還簽了歌手林欣彤,今年亦會開拍電影。
「祖藍喺內地知名度好高,本身又有創意,邵氏嗰邊好器重佢!祖藍同邵氏合作嘅工作室,瓣數好多,除咗會簽香港藝人打內地市場,亦傾緊內地藝人加盟,嚟緊仲會投資開拍電影。」祖藍身邊人說。
原本工作室設在邵氏總部,地方唔大,大計多多的祖藍,銳意大展拳腳,密謀將工作室搬走,開設更大的寫字樓,連月來便四出睇商廈。雖然近月樓價有下調趨勢,內地狂賺人仔的祖藍,無懼未來樓價跌,照樣入市。
上月中,王祖藍便扑槌以二千四百萬,買入觀塘駿業街中海日昇中心,一個二千多呎寫字樓,作為新工作室基地。

除了董事身份,李亞男亦是祖藍公司旗下藝人。

三月底,終於放到假,同老婆到峇里島旅行。
老婆做董事
「祖藍喺內地嘅工作,呢兩年都無停過,真係賺到盤滿鉢滿,上次買逸瓏灣,佢一掟五千五百萬做首期,但好快佢又賺到第二桶金,本來佢想再買樓,之前亦睇咗唔少地方,但工作室始終喺工作上急切啲,本來都有人提醒佢話樓價嚟緊可能仲會跌,但祖藍覺得做嘢唔可以拖,所以最後扑槌買咗觀塘呢個寫字樓,呢排已搞緊裝修!」知情者說。
乜都老婆行先的王祖藍,億元愛巢只寫老婆李亞男名外,成立的新製作公司,李亞男亦有份擔任董事一職,名正言順做公司老闆娘。

祖藍到韓國拍《奔跑吧兄弟 4》,其間與劉在錫、 Haha吃韓燒。

祖藍不在港時,亞男會約好姊妹聚會。

帶埋外父外母為內地真人騷《女婿上門了》演出。
蝕得起
近年,王祖藍北上發展密密吸金,半年賺過五千萬,可惜近排樓市大跌,複式單位蝕到入晒肉,但祖藍一樣冇有怕,繼續大手入市。
手持物業:
大埔雅景花園(左) 買入 1,338萬( 13年) 市值 2,200萬
大埔逸瓏灣複式單位(右) 買入 1.14億( 15年) 市值 1.04億

撰文、攝影、攝錄:娛樂組

tvb4life 發表在 痞客邦 留言(0) 人氣()