爆與容祖兒積年恩怨 黃翠如︰佢搶走我家姐

出身低下階層的黃翠如,向來低調家庭背景,原來禾稈冚珍珠,其父黃永華由賣魚佬晉升為上市公司主席,身家最高一度暴漲至六十六億,公司市值更一度超越無綫。

Ads by Google

升呢變富貴千金的翠如BB,外表斯文,實質霸氣十足,既憑高層余詠珊力撐在無綫企穩當女一,又爭贏何傲兒家姐何傲芝奪走蕭正楠,愈爭愈過癮,更越級挑戰天后容祖兒(Joey),雙方積怨多年,一度吵大鑊,翠如BB至今重提往事仍咬牙切齒,「佢搶走我家姐!」

翠如BB小時候因跟容祖兒爭家姐而成世仇,現已化敵為友,去年容祖兒開演唱會,身為多年好友的大家姐黃翠紅帶埋黃翠如捧場,還到後台為她加油。

出身街市

日前黃翠如和家人又拖埋男友蕭正楠撐父親黃永華經營的土木工程公司聯旺集團(8217)於聯交所的創業板上巿,黃父是該集團大股東兼執行董事及行政總裁,連日來身家隨着股價變動,最高飆至六十六億,但至周一(十八日)收巿,卻回落至三十五億,有如坐過山車。

女憑父貴,出身自低下階層的翠如BB,身價即時升呢。黃父未發迹前,昔日她自爆住過藍田木屋區,一家七口得兩張牀瞓,她是老二,有一個家姐和三個妹妹。早年黃父是賣魚小販,曾有幾年在牛頭角街巿擺檔,但收入有限,父母倆要搵食,黃母一度將幾個女送到教堂代為照顧,又限定每日只可以花十元。而翠如BB小時候經常流連街巿幫手看檔,但也會自得其樂,「執人哋唔要嘅番薯,喺天橋底點着報紙,玩燒番薯。屋企雖然窮,但都可以好多嘢玩。」

翠如BB大家姐、容祖兒和王祖藍同為小學同學,三人不時拖埋家人相約飯聚,相當念舊。

二人和好如初,上年容祖兒專誠到黃宅跟翠如BB慶祝生日。

操場講數

直至翠如BB讀小一,一家人才由木屋搬到馬鞍山恆安邨的公屋,跟天后容祖兒和王祖藍是樓上樓下的鄰居,三人識於微時,翠如BB的家姐更跟他倆是小學同學;不過翠如BB卻為爭家姐而跟容祖兒炒大鑊。

自小跟家姐感情要好的翠如BB,兩姊妹有着共同經歷,皆因生在重男輕女的潮州人家庭,雙親一直備受親友壓力要追仔,她說︰「媽媽在醫院生第五胎時,我和家姐响屋企祈禱,希望係細佬,外人唔會明白我哋一家求子心切,但當爸爸打電話返嚟話『又係女』,我同家姐都喊。」兩姊妹原本一條心,因此翠如BB就呷醋家姐跟容祖兒愈玩愈埋,怕家姐被搶走,不時故意夾在中間分隔二人,其後變本加厲,小息期間更捉高班過她的容祖兒到操場講數。

三妹黃麗茵(右一)曾到西班牙學廚,學成歸來後,曾邀翠如BB和容祖兒試食其手勢,獲得一致好評。

 

鬧爆祖兒

重提操場吵大鑊,雖然事隔約近三十年,兩人仍歷歷在目,容祖兒直認真有其事,「我七歲就識佢(翠如BB)家姐,以前同佢冇咁friend,最難忘係佢以前覺得我搶咗佢家姐,小息時,捉咗我落操場鬧交!」

而毫不客氣的翠如BB,也承認當年橫蠻無理,天后都唔畀面,一直視容祖兒是世仇,剛於周日(十七日)她向本刊大爆︰「讀書時候,我最記得係同容祖兒嘈交囉!(互鬧?)係我鬧佢嘅。嗰陣時我好牛精,又係小朋友,唔識諗,其實係嬲佢同家姐出咗去,冇叫我。因為我細個時好黐我家姐,但係佢就成日同我家姐出咗去,我覺得佢霸住我家姐,所以好憎佢!」不過隨着長大,思想成熟,翠如BB當然明白親情友情可共存,對容祖兒才不再有恨意,「長大後諗番起都好感激Joey,好多時家姐唔開心,佢都有一路陪住我家姐,真係好錫佢。」

tvb4life 發表在 痞客邦 留言(0) 人氣()