阿佘黑色超短裙晒腿行圓方, keep得咁弗點睇都唔似 40歲!

同你吟一吟

佘詩曼戰鬥 look 圓方晒腿

Ads by Google

簽番無綫,佘詩曼轉攻大銀幕,拍完《十月初五的月光》,跟手再拍埋《使徒行者》電影版,現在又回歸拍番電視。趁住新劇《群英會》唔使開工,可以抖吓的阿佘,早排同 TB打扮好友現身圓方 hea住 shopping。


平日甚少失手,連 shopping都要執到正一正!阿佘當日一副戰鬥 look,黑超遮住素顏,加一條黑色貼身超短裙襯短 boots,再拎個銀色小手袋,老遠已經見到兩條又白又滑嘅長腿,鬼咁養眼!四十歲,算係咁啦!
阿佘走入咖啡機專賣店,左揀右揀一輪,好快就瞄到記者鏡頭,仲揮手笑一笑,最後揀完咖啡膠囊,阿佘俾錢,戰利品就交由朋友代拎。
臨走時,阿佘仲笑晒口,走埋記者身邊「溫馨提示」:「影夠啦!唔好跟我啦!」

臨走時,阿佘仲同售貨員笑晒 say bye,冇架子!

《使徒行者》電影版煞科,阿佘罕有泳裝示人,但都敵不過韓國女星 Clara Lee D cup「胸襲」,輸晒!

撰文:八珍

文章標籤

tvb4life 發表在 痞客邦 留言(0) 人氣()