李光洙喺《魚男突變》中全程見唔到樣,導演話揀佢做係因為佢夠高,戴埋個魚頭更加突出。 

娛樂偵訊

 

重量級頭套遮樣扮魚 李光洙演技大爆發

 

Ads by Google

韓國綜藝節目《 Running Man》喺亞洲大受歡迎,七位主持嘅人氣比起好多韓星有過之而無不及,賺咗知名度之後,做番老本行立即事半功倍!
喺節目入面嘅李光洙以搞笑形象而為人所熟悉,不過做演員就唔係講笑,屢獲好評!喺新戲《魚男突變》入面,李光洙變身廢青,基因突變成為半人半魚,成套戲幾乎無出過樣,咁先有挑戰性:「其實我都係拍完先知,原來見樣嘅戲份係咁少!」

 


戴頭套呼吸困難
電影海報中有一隻魚頭人身嘅怪物喺魚缸入面,被放置喺馬路中心,感覺上好似好荒謬,其實正正係戲中想帶出現實社會嘅扭曲。飾演主角「魚男」嘅係首次擔正電影嘅李光洙,不過可以見到佢個樣嘅戲份,只係得兩幕!「雖然成套戲都見唔到我個樣,不過睇完嘅觀眾同朋友都話,一睇就知道係我。因為角色嘅行為舉止,包括小動作、行路嘅姿勢等等,加上魚頭係以我嘅輪廓倒模做出嚟,好似個嘴同個鼻,都有我嘅特徵。」呢個頭套一啲都唔簡單,有 8公斤重,戴得耐會令膊頭負荷過重,呼吸都有困難,要用氧氣筒!光洙每日都要俾其他演員早到片場化妝,而且一化咗就除唔到,大家見到佢咁辛苦,都特別照顧佢:「拍過咁多節目,從未試過咁多人關心我,真係好!」導演權五光仲話「朴寶英都有餵他吃飯!」

光洙同朴寶英一向好老友,今次仲同佢有感情線可惜無親熱戲,「就算錫,都係錫得個頭套。」

戴住頭套嘅光洙,最麻煩係食嘢,佢話頭套個鼻同個嘴可以拆開,方便進食。
整容都要做人
《魚男突變》早前參與《香港國際電影節》,李光洙亦有來港出席首映,喺紅地氈上大受歡迎。而家嘅光洙人氣爆紅,不過喺娛樂圈際遇好難講,就好似戲中嘅魚男人樣,一時係人人愛戴嘅吉祥物,一時係受人唾罵嘅怪物,光洙都有危機意識:「角色其實同藝人嘅情況好相似,我都好有共鳴,不過好好彩,我暫時都受到大家嘅愛戴,好感恩!」魚男被家人及朋友出賣,最後佢選擇喺大海生活,呢個選擇真係需要好大勇氣,光洙就話自己做唔到:「呢個角色一直好被動,從來無掌握過自己命運,所以到最後,佢做唯一一次嘅決定,就係決定去大海生活,係佢拿出勇氣做嘅決定,我覺得係 happy ending。不過如果係我,我一定揀做人,就算整容都要做番人!」

導演權五光原來無睇過《 Running Man》,唔知道光洙原來係咁紅,令電影喺海外嘅知名度大增。

光洙近年喺影視圈成績愈來愈好,有 fans擔心佢唔再拍《 Running Man》,佢就話會盡力做好每一個工作,綜藝都會努力。

早前光洙同導演嚟到香港宣傳,仲非常親民同 fans自拍。
《魚男突變》
上映日期: 4月 27日
撰文:關錦雯

文章標籤

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()