娛樂偵訊

男友攬箍陪學戲 唐貝詩冧掂 3億闊少

Ads by Google

唐貝詩跟毛玉萍兒子分手後,不斷有「兵」埋身,但直到最近才揀定家族做環保生意的三億闊少 William做男友。 William為冧她,日前連體去學做戲,上堂前更當街又攬又拖又箍頸,勁 sweet!

 


做環保生意
早前唐貝詩( Lydia)傳同大台棄將周志文撻着,原來係冇米粥。本身屋企有米的她,揀男友竹門對竹門,近期同年約三十歲、家族資產達三億的富二代 William連體出入,愛得火熱。
「 Lydia呢幾年有唔少人追,但佢好揀擇,最近終於揀咗 William做男友。 William屋企做環保生意,佢讀完書就返屋企幫手。佢好錫 Lydia,平日乜嘢都投其所好,又管接管送,氹到 Lydia好開心。」知情人說。

二人泊車後行去工作坊上堂,全程打情罵俏, sweet爆。

攬頸

熊抱

陪上演技班

King Sir是她報讀演技班的嘉賓導師,早前難得出現,唐貝詩即集郵。
當街掃背熊抱
唐貝詩曾說選男友最緊要夾到時間,可以陪到她。 William果然做到足,一放工就換上便服,陪女友去上堂。事關進軍娛圈的唐貝詩正努力增值,近期在鍾景輝有份投資的工作坊學演技, William為冧女友,竟然學埋一份。
日前本刊發現他接唐貝詩後,再揸車去旺角上課。由於當晚時間尚早,二人先去買嘢飲,沿途 William搭住她肩頭行,更不時掃背箍頸,旁若無人。二人細聲講大聲笑,比唐貝詩高一截的他十分體貼,見周圍嘈雜,不時彎腰低頭跟女友說話。去到較少途人的地方, William更忍不住向後熊抱,唐貝詩即報以甜笑,非常受落。

大孖周志文離大台後未見新搞作,但就經常 po做運動相,跟唐貝詩一樣鍾意狂操。

好識得氹女友的 William,不時送上驚喜,就算普通日子,都會送心心氣球到她屋企。

成日孖住好姊妹周美欣做運動,自己一個時,連啞鈴都舉埋,運動狂。

拍電影版《盜火新聞線》,唐貝詩同王宗堯在戲中齊齊扮記者。

唐貝詩跟雨僑、莊思敏和 Jeana等屬同一間經理人公司,一班姊妹間唔中相約坐艇出海。
撰文、攝影、攝錄:娛樂組

文章標籤

tvb4life 發表在 痞客邦 留言(0) 人氣()