娛樂偵訊

復出變搶手貨  41歲向海嵐投新碼頭

Ads by Google

98年港姐冠軍向海嵐,近日磨拳擦掌準備復出!先在電影客串試水溫,近日接拍大品牌廣告。回歸的她適逢電視大戰,兩台出手搶人,她一句:「有興趣了解新電視台。」曲線棄投娘家無綫。

 


凍齡保養廣告埋身
六年冇現身幕前,向海嵐去年戲癮發作,先後客串汪子琦執導的內地電影《愛在星空下》,及吳家麗導演的《有客到》試水溫。結果一試有反應,重出江湖,即獲廣告商睇中她的凍齡保養,邀拍飲品廣告。
向海嵐去年脫離 OL生涯,靠老本都夠食,當年在大台劇《無頭東宮》的奸妃之作,令她賺唔少強國粉絲,復出狂做國內商演。直至演出舞台劇,戲癮一發不可收拾。「上年喺上海做咗個舞台劇,做完開始想做番戲,就決定返去幕前。」向海嵐說。

復出的向海嵐,近日接拍「道地」飲品,飄逸白裙下,完全唔似四十一歲。

 

年初汪子琦(橙衫)執導的內地電影《愛在星空下》搞發布會,客串的向海嵐及馬德鐘成傳媒追訪目標。
寧投 ViuTV
○八年她毅然離開大台,更放下藝人光環,隻身走到上海過朝九晚六的 OL生涯,在富商羅康瑞旗下的上海新天地任公關。為要擴闊眼界,只因舊工作的機會愈見狹窄。她說:「○八年離開 TVB,其實因為喺呢個地方近十年,感到去到樽頸位,唔知點再向前行。咁多年 TVB都係我經理人,去到一個 point大家都唔知點向前,咁不如離場出外闖吓。」
靜極思動,復出的她適逢難得一見的電視大戰,兩台出手搶人,成為搶手貨的向海嵐會點揀?「其實我作為觀眾,見到有其他電視台,都有興趣去了解吓,因為我睇到佢哋一路做啲創新、新鮮嘅嘢出嚟!」向海嵐曲線棄娘家,投新開的 ViuTV。

在內地紮根七年,早已習慣當地生活,故沒有工作的日子,她便回上海自置的家,二千呎相當寬敞。

曾任「慧妍雅集」會長的向海嵐,跟朱玲玲稔熟,因而得對方力薦加入她老公羅康瑞在上海揸 fit的集團打工。

07年大台劇《建築有情天》是向海嵐離巢之作,當時楊怡被力捧,如今她亦選擇離開娘家。

02年的大台劇《無頭東宮》,向海嵐飾演的奸妃成為她的經典作,亦成為她在強國一直多商演活動的老本。
撰文、攝影、攝錄:娛樂組

文章標籤

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()