探熱針

食女唔還錢 細佬天台危企 陳嘉桓:佢要好好反省

Ads by Google

上週六凌晨,陳嘉桓( Rose)細佬陳肇桓被發現因感情、金錢以及家庭等問題困擾,在旺角一大廈天台危企,警方到場游說一輪後,被勸服的他送去醫院治理,事後有網民圍插以 Black Chan在網上食女無數的陳肇桓花心,借家姐名周圍食女,兼且借錢唔還。
身在外地的胞姐陳嘉桓得悉事件後,亦忍唔住大鬧:佢要好好反省。

 


母親再嫁
陳嘉桓胞弟陳肇桓,今年 21歲,多年前父母離異,兩姊弟一直由姨母照顧,直至十多歲,陳肇桓搬去跟父親同住,陳嘉桓則與母親比較親厚,十六歲後一直跟母親生活。去年母親再婚,陳嘉桓不單支持,並跟同母異父的細細佬 Jaxton感情亦十分要好,經常將姊弟合照放上網晒幸福,但就鮮有提及親弟陳肇桓。
據了解,身形瘦削的陳肇桓,雖然樣貌一般,但身邊朋友指他愛出風頭,去年 9月 iPhone6開賣,排頭位的他,也因是陳嘉桓胞弟關係被傳媒大事報導。


陳嘉桓去年二月幫細佬慶祝生日,還即時放上微博。

四年前,陳嘉桓跟細佬(右一)、老豆(中)到沙灘游水家庭樂,除她的事業線令人眼前一亮外,老豆的紋身亦好突出。
一腳踏幾船
「佢好鍾意出風頭,家姐係藝人,以為自己都係藝人,用 Black Chan呢個名,經常喺網上同人吹水,不過實質係溝女。佢又好鍾意教人點樣可以一腳踏幾船唔俾人鬧,仲話自己試過兩日食兩女,而兩個女仔都知道對方存在,以為自己好掂。」網友大鬧。
愛同人分享感情生活的陳肇桓,在網上自爆有個拍拖四年的 model女友,不過,因花心愛食女,近月,終於有人睇唔過眼,在網上圍插爆他惡行,又指他欠前女友七千蚊唔還,不過他從來唔回應冇解釋。
「唔知係咪愈來愈多人鬧佢,佢覺得好大困擾,所以早兩晚走咗去旺角天台留咗好耐,雖然冇做啲乜,不過佢一直都有同朋友講自己近排心情差,朋友以為佢會做傻事,嗰晚報咗警。」知情者說。

唔停食女
前度在分手後,大爆他一直冇停食女,不過她太傻,以為他會改過做個好男友。

朋友唱通街
有朋友睇唔過眼,在網上踢爆他周圍食女。

教人撩女
以陳黑在網上四圍撩女的陳肇桓,教巴打要識得尊重人先可以識到女仔。

爭錢唔還
跟 model女友拍拖四年,上月分手,被指仍欠前度七千蚊,不過他一直冇解釋。

前度怨被玩
愚人節當日,前度再留言揶揄他是個玩家。

Ronnie未再婚前,經常相約一對仔女去玩。
事後表歉意
出事後,身在外地的陳嘉桓透過經理人公司回應:「我也很愕然,但無論如何都不應該這樣,成年人就應該對自己的言行負責任……希望他自己能夠好好反省,好好的調整自己!」
據了解,陳肇桓出院後已經回家休息,也向家人表示歉意。「雖然分開住,但其實佢哋感情唔錯,間唔中會見面食飯,好似佢生日, Rose同媽咪都一定幫佢慶祝,不過佢媽咪生咗細佬,冇以前咁多時間俾佢, Rose一開工又好忙,都唔可以吓吓睇住佢,所以佢要識諗生性。」知情者說。

陳嘉桓早前在內地拍電視劇《上山吧兄弟》,之後便飛台灣放假。

近年愛上馬拉松的她,原來也愛玩瑜伽,早前飛外地拍旅遊特輯,便跟松岡李那齊齊上堂。

自小對畫畫有興趣,平日也會相約朋友租畫室狂畫一日。

細佬出事時,陳嘉桓正在台灣度假,事後她在 ig鋪相並留言「都不想露面了」,吐露心聲。

一直跟細細佬 Jaxton同住的她,經常 po二人合照。
親母變經理人


陳嘉桓家庭背景奇情複雜,其父母 Jacky、 Ronnie乃中學同學, 16歲時珠胎暗結誕下陳嘉桓,未幾再生其弟陳肇桓,之後分手收場。母親 Ronnie避走加國,陳嘉桓姊弟 3歲始由唐姓姨公姨婆湊大,直至 16歲才跟回流香港的母親團聚。後來陳嘉桓加入娛圈簽國藝娛樂旗下,為方便照顧女兒, Ronnie隱瞞身份任其經理人,直至 11年陳嘉桓被陳浩民、馬德鐘在橫店狼擒,母女關係始曝光,繼而坎坷身世被踢爆。早前 Ronnie再婚並誕下一子,陳嘉桓對細細佬呵護備至。
對自己負責任


身在外地的陳嘉桓,出事後透過經理人公司回應事件,表示細佬要對自己行為負責。
撰文、攝影、攝錄:娛樂組

文章標籤

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()